Popular Bible Verses from Mateusi 19

Share

Ãmẽ Jesu omã'ẽ ee kõ erokwa. – Aje, ava jẽ rõwã oo kuwa ipyri oiko karuaru rõmõ. Janejare'e rõmõ'ĩte poromoigo karuaruoka kuwa opyri. Nuvei 'ete iwasu mã'ẽ Janejare'e pè, e'i.

Ajawyi kee a'e pejẽ. Janejare'e pe'ĩypyte mã'ẽ rõmõ oinõ kõ remẽ, tijamowaite kõ e'ã ojiwyi, a'e pejẽ. Awyje rõmõ a'evo oikopa kupa, e'i Jesu ijupe kõ ky'y.

Ãmẽ Jesu e'i: – Pemogetapa itõkõ Janejare'e ayvukwerà, kee e'i aepo jaa rè maekwerà: “Karamoe remẽ Janejare'e oinõ kwaima'e, wãivĩ reve”, e'i maekwerà. “Ajawyi ojireko kupa remeve, opoi oõvijãgwerà kõ wyi oo werekwaa mõ kupa ky'y. Awyje rõmõ oiko ojeeve iko kupa ky'y, pe'ĩypyte mã'ẽ rõmõ”, e'i maekwerà.

Ãmẽ Jesu wenu aepo jaa remẽ, kee e'i: – Nemo'eai'ãi ja'yrerà kõ. Totuu nẽ ekoty kupa. Ãwĩ kõ tè omoẽoka Janejare'e o'arà kyty ipi, e'i.

– Ajamã'ẽ ijaty jo'arà kyty ekoi epe mãe kõ jokunawyriwarà kõ rõmõ ekoità. Jokunawyriwarà kõ ãmẽ jo'arà kyty ekoità, e'i Jesu ijupe kõ.

Uvetà ãmõ kõ ve pevo mãe kõ. Pirujẽ oitypypyità uu eayvu rupi erauvay rewarà mõ kupa. Ma'e oitytà kupa. Wetã oitytà oo kupa. Ãmõ, wetãrãgwerà kõ ve. Oõvijãgwerà kõ. Wãkarãgwerà kõ. Ãmõ, okoo kõ. Wãisõ pirujẽ oitypypyipatà uu, erauvay kupa rewarà mõ, e'i. Ajawyi kee a'e pirujẽ wemireko kõ oitypypyipa erupi uu mãe kõ pè. Penemitykwerà kõ wyive tesõ Janejare'e ome'ẽtà pejẽ ky'y. Opyri tekou karuarua ome'ẽ teve pejẽ, e'i.

Ãmẽ Jesu e'i ijupe: – I'ete. Ivoe'e katu neikotà remẽ, kee jẽ tereiko. Ekwa nema'e kõ tereme'ẽma karakuri repy rõmõ. Ajaire emosãsãima epykwerà iporijau mãe kõ pè erokwa. Pirujẽ neremimota katu kõ oikotà neupe Janejare'e rena pè ãmẽ. Neme'ẽ maire, ejo erupi eremimo'earà rõmõ, e'i.

– Manyvore põ neporanu ivo katua rè? Pe'ĩte ivo katuay mã'ẽ. Janejare'e rõmõ'ĩte a'evo ekoi. Nepota ipyri neiko karuaru remẽ, ijayvukwerà rupi katu ikõ tereiko ipi nẽ, e'i.

Tekoua amome'utà peupe tapekuwa sa'u, e'i. Ãwitõ teima rõvijã waypete wasa ikwa'igà mã'ẽ rupi. Noasa'ãi kuwa agui ropyta kwarà rupi, e'i. Ãwĩvo ve imoma'e ywete mãe kõ pè waypete Janejare'e omoẽoka o'arà kyty, e'i.

Ajawyi kee a'e pejẽ. Kwaima'e mõ sõ werekwarà wyi opoi teywete remẽ, nimanyvoi epe erekwarà ekoi remẽ. Ajaire wereko ipetà ãmõ wãivĩ. A'evo mã'ẽ pè Janejare'e “ojimomy'a mã'ẽ tè ãwĩ”, e'i kõrijõtà ãmẽ, omojaiwe tesõ werekwarà ity rewarà mõ, e'i Jesu.

Ojisyry paire Jesu e'i wemimo'earà kõ pè: – Waypete imoma'e ywete mãe kõ pè Janejare'e omoẽoka o'arà kyty ipi. [Omoma'e kõ rè ywesõ oja'a Janejare'e wyi.] Aje ywete aepo a'e, e'i.