Popular Bible Verses from Jesu koty rewarà kõ 9

Share

Ajamã'ẽ kee e'i jẽ Janerõvijã ywete ijupe: – Ekwa jẽsi! Eremipyteporo tè ãwĩ, eayvu mojenuarà rõmõ. A'e Juteu rõwã mãe kõ pè amonotà eayvukwerà tomojenu, e'i. Ãmõ, waite e'yiwarà kõ jõvijã wasu kõ pè ve omojenutà, e'i. Ãmõ, Isaeu wãnà kõ pè ve, e'i.

Ameve Sauru o'a yvyu. Ãmẽ Jesu sikaepo oporegeta ijupe, yva pe wyi. Kee e'i ijupe: – Sauru, epy'amopirai sõ erereko rejupa! e'i. Ãmẽ Sauru wayvuapi: – Ava põ ene, Jõvijã? e'i. Ãmẽ Jesu e'i ijupe: – Ije, Jesu! Ene itõkõ epy'amopirai tè erereko rejupa! e'i.

“Hoõ” e'i ãmẽ Anania ky'y. Oo esa ãmẽ, Juta retã gyty. Ovãe remẽ, oike Sauru resa. Opo oinõ ijapyte 'aryvo. Kee e'i opo oinõ remẽ: – Sauru, eretãrã votà tè ene ky'y, e'i. Janerõvijã ywete ayvu rupi tè ajo neresa, Jesu ayvu rupi. Kõitokõ pee rupi nejo neiko remẽ, ojimoikatu neupe. A'e tè emuroka ike nekoty toromoeapyooka mijẽ, e'i. Janejare'e o'Ãg oinõtà teve nepy'a pupe, e'i ãmẽ Anania Sauru pè. Ameve pira pirerà vo sõ tite mã'ẽ otoro o'a ea pe wyi. Aekwery vo eapyo katu mijẽ iko ky'y. Opõ'ã ojimojãmorĩoka, [Jesu koty rewarà rõmõ ky'y. Ameve Janejare'e 'Ãg oike ipy'a pupe ky'y.]