Popular Bible Verses from Jesu koty rewarà kõ 3

Share

Ajawyi kee a'e pejẽ: Tapejipy'amogeta ikõ peneko rè age'e nẽ. Tapejimosĩoka peaiwererà rè. Tapejimome'u Janejare'e pè peaiwererà reitypypyipaoka. Janejare'e kyty tapejirova ky'y! e'i. Peaiwererà omoje'otà ãmẽ, e'i.

Ajamã'ẽ Peturu e'i: – Moma'e noroerekoi! Norekarakuri oroiko! e'i. Norekarakuri sĩ teve oroiko! Ajamã'ẽ orokuwa manyvotà oroereko age'e, e'i. Jesu Kiristu Nasare wãnà ayvu rupi tanekatupa! a'e. Epõ'ã awi eata! e'i.

Aepo e'i remẽ opopyy imopõ'ã. Ameve iperẽnã kasi ky'y. Ipy kasipa katu teve. Opo opõ'ã ory iko ky'y. Wata ky'y. Ajaire oike Janejare'e moe'ea retã ypy pè Peturu kõ rupi. Opo opo ory iko. Wata ojivy jivy. A'evoa rè omoe'e ywete Janejare'e iko.

Jesu tè wetãmãmokasioka aã kwaima'e toata ky'y! e'i. “Aje ywete Jesu ikasi emokatua rè”, e'i rewarà mõ tè Jesu omokatu. Ajawyi aã kwaima'e pemã'ẽ ee mã'ẽ ikatupa ky'y, e'i. Pemã'ẽma ee. Ajawyi pekuwa noatai maekwerà ikatupa, e'i. Age'e wata ky'y! e'i Peturu Juteu kõ pè.