Popular Bible Verses from Jesu koty rewarà kõ 20

Share

“Ãmẽ ereruparà mõ toiko kupa”, a'e pejẽ. Ajawyi a'evo aiko penovake ipi. A'evo remẽ tè pejẽ ve poroporijauesa mã'ẽ rõmõtà. Tapeja'a jẽ kee e'i Jesu maekwerà rè: “Temiporijauesa rõmõ jaiko remẽ janerory ipi. Tysi tõ poroporijauesa mã'ẽ rõmõ jaiko remẽ. Ãmẽ ywesõ janeroryvay jaiko ipi”, e'i maekwerà rè. Aekwerà rè tapeja'a jẽ peiko, e'i Pauru Epesu taa wãnà kõ mogeta. Awyjepa oporegeta Pauru ky'y.

Ajamã'ẽ najimonyi aepo 'arà mẽ. Najirokyjei teve aiko. Ajawyi aa jẽtà ãmẽ. Erõvijã Jesu eposikoa ome'ẽma mã'ẽ, apota amoawyjepa. “Ekwa eayvu e'eay mojenu eiko”, e'ipa ije. “Janejare'e wereko katutà jane kõ emãnõa rupi”, e'ipa ije. “Aepo emojenu”, e'ipa ije mã'ẽ. Ajawyi a'e rewarà mõ aa jẽtà.

Ajawyi pevote tapejireko katu ky'y. Jesu koty rewarà kõ rè tapeja'a, Janejare'e 'Ãg tè ome'ẽma kõ pepo pè rewarà mõ. Ãwitõ kaneiru jarà oja'a katu weima kõ rè ipi, tãwĩvo peiko ãmẽ. Kee rewarà mõ. Janejare'e opyypa kõ Wa'yry mãnõawerà repy rõmõ. Epy kõ rõmõ omãnõma. Ajawyi tè tapeja'a jẽ ee kõ, a'e pejẽ.

– Age'e poroitytà aa ky'y, Janejare'e teipõ pemokatutà penereko ky'y. Wayvu pè “aje” pejẽ mãe kõ rõmõ teve penerekotà ãmẽ. A'e tè pemokasità penereko katu okatuaya rupi. Ãwitõ pirujẽ okoty rewarà kõ wereko katu, ãwĩvotà penereko katu. Kãramõ Janerõvijã uu mijẽ remẽ, ãmẽ si peotà upi ky'y.