Popular Bible Verses from Mateo 7

Share

—Iidipatáatɨ Tachi Akꞌõremaa. Irua teeitꞌeepɨ. Jɨrɨpatáatɨ. Irua kꞌawapiitꞌeepɨ. Eperãpa tꞌɨ̃parikꞌa puerta tꞌaide, Akꞌõremaa tꞌɨ̃patáatɨ. Irua parã kꞌaripaitꞌeepɨ.

Chi iidi bɨmaa Tachi Akꞌõrepa teepari; chi jɨrɨ bɨmaa Tachi Akꞌõrepa kꞌawapipari mãikꞌaapa chi tꞌɨ̃ bɨmaa ewapari.

—Eperã kꞌĩsia kꞌawaa bɨpa mɨ ũraa ũripari mãikꞌaapa oopari mɨa jara bɨkꞌa. Mãgɨ́ eperã ichi te oo bɨ́kꞌata bɨ mãu ɨ̃rɨ.

ʼMaperã, óotɨ apemaarãmaa parãpa kꞌinia pꞌanɨkꞌa ãchia parãmaa oodamerã, mãgata jara bairã Moisepa pꞌãdade mãikꞌaapa Tachi Akꞌõre pedee jarapataarãpa pꞌãdapꞌedaade.

Wãitꞌee eperãarã ichita pꞌanapatamãi Tachi Akꞌõre ome puerta pꞌĩrupꞌee bɨde tꞌĩupatákꞌata bɨ mãikꞌaapa Akꞌõre o pꞌĩrupꞌee bapari, mãgɨde chokꞌara–ee wãpata perã.

—Tachi Akꞌõre truadee wãitꞌee puerta pꞌĩrupꞌee bɨde tꞌĩupatákꞌata bɨ. Mapa tꞌĩ́utɨ puerta pꞌĩrupꞌee bɨde, chi atua beerã puerta jetꞌee bapari perã. Ichiaba ãchi o kꞌachia ewaraa kꞌobɨ, chokꞌara aɨde wãpata perã.

¡Mãga–epɨ! Parã ne–inaa kꞌachia oopataarã mĩda, pãchi warrarãmaa netꞌaa pia tee kꞌawa pꞌanɨ. Parãpa mãga ooruta pɨrã, ¡audupɨara pãchi ɨtꞌaripema Akꞌõre Waibɨapa ne–inaa pia teeitꞌee chi iidirutaarãmaa!

—Awaraarãpa ne–inaa oopata akꞌɨnáatɨ jaradaitꞌee ne–inaa kꞌachia oomaa pꞌanɨ. Mãga ooruta pɨrã, ma jaradapꞌedaa kꞌaurepa Tachi Akꞌõrepa parã mãgá akꞌɨitꞌee. Parãpa awaraarãpa oo pꞌanɨ akꞌɨpatakꞌa, mãgá Tachi Akꞌõrepa akꞌɨpariitꞌee parãpa oo pꞌanɨ. Ne–inaa kꞌachia aupai jɨrɨruta pɨrã pedee kꞌachia jaradaitꞌee ãra ãpɨte, Tachi Akꞌõrepa aukꞌa jɨrɨitꞌee parãpa ne–inaa kꞌachia oopata aupai jaraitꞌee iru kꞌĩrapite pꞌanadakꞌãri.

Jõdee chi mɨ ũraa ũripꞌeda, oo–e bɨpa mɨa jara bɨkꞌa kꞌĩsia kꞌawa–ee bɨ. Eperã ichi te ipude oodakꞌa bɨ.

¿Kꞌãare–itꞌee akꞌɨ bɨma nejarra pɨchi aukꞌaa tau jãde bɨ, mamĩda unu–e bɨ pakꞌuru pɨchi tau jãde bɨ? Pɨchi tau jãde pakꞌuru iru bɨ pɨrã, ¿sãga pɨchi aukꞌaamaa jaraima: “Mɨmaa ẽepíji jã nejarra pɨchi tau jãde bɨ”?

—Kꞌĩrakꞌaupai ijãadai jõmaweda Tachi Akꞌõre pedee jarapatada apataarãde, mãɨrã ũkꞌuru seewa–idaa bee perã. Seewata eperã pia beerãkꞌa parãmaa chepata. Mamĩda ãchi tꞌãride kꞌĩsia kꞌachia iru pꞌanapata. Parãpa mãɨrã kꞌawaadai ãchia oopata pia akꞌɨdakꞌãri. Pakꞌuru ɨɨrɨ–idaa bɨde uva chaukꞌaa; ichiaba mãgeede higojõ chaukꞌaa.

Ma awara nejõ bɨɨrɨ pia bɨpa nejõ pia chaupari. Mamĩda nejõ bɨɨrɨ kꞌachia bɨpa nejõ kꞌachia chaupari.

Nejõ kꞌachia chaukꞌaa pakꞌuru pia bɨde. Ichiaba nejõ pia chaukꞌaa pakꞌuru kꞌachia bɨde.

Maperã pakꞌuru nejõ pia chaukꞌaa bee tꞌu peepata tꞌɨpɨtaude batꞌatꞌaadaitꞌee.