Popular Bible Verses from Mateo 2

Share

Teeda tꞌĩudakꞌãri, unujida ma warra chi nawe María ome. Mãpai bedabaidapꞌeda, ɨtꞌaa tꞌɨ̃jida ma warra kꞌĩrapite mãikꞌaapa ãchi netꞌaa aneedapꞌedaa ewatꞌɨdakꞌãri, teejida nẽe, ne–inaa tꞌũa bapari bajũbakꞌa mãikꞌaapa kꞌera pia tꞌɨ̃jarapatapꞌedaa mirra.

Jesús tꞌoji Belén pꞌuurude Mãgɨ́ pꞌuuru Judea eujãde bɨ. Tꞌokꞌãri, Herodes Judea eujãdepema rey paji. Maapai kꞌĩsia kꞌawaa beerã akꞌõrejĩru uchiapari eereepa Jerusalén pꞌuurudee chejida. Ãchia lucero akꞌɨpachida kꞌawaadaitꞌee ne–inaa pꞌasaitꞌee bɨ. Pachedakꞌãri, eperãarã iidijida: —¿Sãma bɨma ajida, Judiorã Rey tꞌoda? Iru lucero uchiakꞌãri akꞌõrejĩru uchiapari eere, rey waibɨa tꞌoda kꞌawaajida. Mapa ma lucero tꞌẽe chejida parã rey jɨrɨde. Irumaa ɨtꞌaa tꞌɨ̃de chejidada ajida.

Mãga unudakꞌãri, o–ĩadachida.

Maapꞌeda kꞌãimokꞌaraade Tachi Akꞌõrepa jaraji waa wãnaadamerã Herodemaa. Mapa awaraa ode wãjida ãchi eujãdee. Kꞌĩsia kꞌawaa beerã wãdapꞌedaa tꞌẽepai, kꞌãimokꞌaraade ɨtꞌaripema angelpa Josemaa mãgaji: —Pꞌirabáiji mãikꞌaapa wã́ji Egipto eujãdee pɨchi wẽra iru warra ome. Mama pꞌananadapáde aji, mɨa jararumaa, Herodepa na warra jɨrɨpiitꞌee perã peepiitꞌee.