Popular Bible Verses from Juan 2

Share

Mãgɨ́ ooda Jesupa Galilea eujãdepema Caná pꞌuurude paji irua naapɨara ooda eperãarãpa pꞌoyaa oodakꞌaa ãchi juadoopa. Mãga ookꞌãri, unupiji ichi wãara Tachi Akꞌõrepa pëida. Ma ooda unudakꞌãri, chi kꞌõpꞌãyoorãpa audupɨara irude ijãa pꞌaneejida.

Mãpai Jesupa mãgaji: —Nawe, ¿sãapꞌeda pɨa mɨmaa mãga jara bɨma? aji. Waide ewari pa–eeta mɨa Akꞌõre jua akꞌɨpimerã.

Jesupa vino jedepataarãmaa mãgaji: —Paniapa na chokꞌo ipurukꞌóotɨ. Pania atanajida mãikꞌaapa ma chokꞌo ipurukꞌoojida. Mãpai Jesupa mãgaji: —Ɨ̃rá ma–ãri joi atadapáde aji, mãikꞌaapa teepáde aji, na fiesta chiparimaa. Mãga oojida.

Jesupa pꞌanauji: —Na te tꞌeetꞌaaruta pɨrã, ewari õpeemaa mɨa waya baikꞌo bɨitꞌeeda aji.

Mãga unukꞌãri, Jesupa soo oo ataji mãikꞌaapa ma jõmaweda taawaa jërekꞌooji ãchi pꞌakꞌa, oveja ome. Ma pꞌaratꞌa tau tꞌerabaipataarã mesa eujãde sĩa batꞌakꞌoopꞌeda, ãchi pꞌaratꞌa eujãde pꞌokꞌooji mãikꞌaapa paloma netopataarãmaa mãgaji: —¡Pãchi netꞌaa atéetɨ namãikꞌaapa! ¡Mɨ Akꞌõre te netꞌaa netopata tekꞌa papináatɨ!