Popular Bible Verses from San Marcos 10

Share

Txãa pa'gatey Dxus Nçxi'k Nasa Yuusáa yuhwa txã'sna selpíi jxthãasya' kĩhme', wejxwa maazkuẽe nasatxwa nwe'wena selpiiya' kĩhçxak ya'dukh nxuste uuya'.

Jesusa' txãawe'sxtxi thegçxa' na'wẽk we'we: —Naa kiwete nasa' Dxus ũsnite u'ka wẽeçxa txãawe'sx kakwejuçxáa pa'pçxuçxa' ãjãmeetxna. Nawa Dxusna pi'kxçxa yu', thẽymée ãjãtxna. Dxus yakha' kĩh yuhwa thẽysa meea'.

Aça' Jesus we'weçxa': —Kaauyu'juna sũhçxane'ga adxa's pi'kx txãa pa'ga ãçxha' uyna mneeyũu jĩçpkaçxha' uyya' ãjãk, sa' Jesus e'stey u'kh pi'kxna.

Txãa pa'ga Dxus pũpxçxa nvxiitni ptamsayã'txhi' kim yuhwa txuhdeya' ãjãwa'jsameeta' jĩk.

Jesusa' txãa piçtakxa's peeygãhna thegçxa' na'jĩk: —Na'wẽ yũuwa'jçxáa peejxa': Iidx ji'phuni's jxuka txweyçxa, puuple ji'phmeesatx peesya' me'j. Txã'wẽ yũuçxa', cielute ji'phsa yuune'ga. Txã'wẽ yũuçxa adx yakh myuh, makwe seena' nxussa pa'thewa txãatxi' yajkxmée jĩte'

Txajũ' Jesusa' ¿kĩhga yũu jxthãasu'? jĩna pẽjxte', txãa uyya' ãjãsamée pasçxa': —Adxa' uyya' ãjã wẽjẽ'th jĩk.

Nawa i'kwe'sxa' txã'wẽy yuuwa'jsameei'kwe. Makwe jxthaakwesaçxawa, wejxwa vxitetx selpiina mfxi'zewe.

Na'jĩ'th na': maawa luuçxkuẽ na'wẽ Dxus jxkaahwa'j ena's wa'lmée jxpa'gameeçxa yu', bagaçxte yuhwa Dxus tasxte u'kaya' ãjãmeetxna.

Nawa jxpa'yakxmeete', makwe yaçtewe'sxçxawa, nmehtewe'sx yuutxna; naapkaçxha' nmehtewe'sx yu', yaçtewe'sx yuutxna jĩk.

Nawa Dxusa' nyafxiitey naa kiwe's pheu'jíi e'zíitx ja'daçxajk vxit piçthẽ'j petx u'y yã'jçxa. Aça' txãa pa'ga piçthẽ'ja' peekx neywe'sx tasxu txuteewa'jsa', nyu yuuwa'jsa yakh utxaaya', txã'wẽ e'zçxawa, teeçxsaçxáa na'wẽ yuuna pa'jya'. Aça' txã'wẽ yũuniijũ' e'zmée teeçxçxáak yuuna pa'ja'.