Popular Bible Verses from San Marcos 1

Share

Txã'wẽ yũuni khikhiiçte nee çxhi'dxtey, Jesusa' Dxus yakh puutx we'weya' u'kh çxhab ekaju.

Sa' na'jĩnak pta'sx: —Ena' ãjãça'. Dxus jxkaahwa'j ena' utxa ũsa'. Aça' i'kwe'sxa' pkaltxi nvxihtçxa Dxus tasxte misxawedwe, sa' Dxus yuwe ewte nvxiitwa'jsa's ũuste myu'akhwe jĩ'k.

Aça' yu'ju kasejeççxa', uyku cielu phaateeçte. Naapkaçxha' Espiritu' tub çxihme na'wẽsa txajx kajkwekhẽ kĩjaçtek uy. Sa' cieluju teeçx na'jĩna we'weniwa pthũusek: —Idxa' adx Nçxi'k wala wedxnisag. Iidxpa'ga wala weçxana ũsthu jĩk.

Adxa' i'kwe'sxtxi' yu' yakhçxáath bautisãyya' ãjã', naapkaçxha' txã' i'kwe'sx ũuste Dxus Espiritu's kxu'akhe'jya' ãjãwa'jsa' jĩ'k.

Aça' Jesusa' pa'yak: —Adx yakh myuhwe, aça' i'kwe'sxtxi' Dxus jĩi nasaa pkhakhwa'jsa vxitu'nja. Txã'jĩçpkaçxha', txãawe'sxa' wedx ukhe's nvxihtna' Jesus yakh u'jtx.

Aça' Jesus kaapiya'jni's wẽsẽ'jçxa', nasa' wala kuh yajkxna neeyũutx, txã'wẽ leya's kaapiya'jsawe'sx na'wẽmée, nwẽese'jwa'ja's ũukhnus we'wena kaapiya'pha'ga.