Popular Bible Verses from San Mateo 19

Share

Jesus thegçxa' na'wẽk we'we: —Nasa' Dxus yakhmée yu', ewte neeyũuya' ãjameeyuhtxna. Nawa Dxus yakh yu', kĩh yuhwa thẽysa meea'.

Txã'wẽ yũunijũ', e'zmée teeçxçxáak yuuna pa'ja'. Txãa pa'ga Dxus pũpxçxa nvxiitniijũ' ptamsayã'ja' txuteewa'jsameeta'.

Jesusa' na'wẽk pas: —I'kwe'sxa' ¿Dxus librute iilẽeymeewá'kwe? Kxtee we'weçxa': Dxusa' nyafxiitey e'zíitx ja'daçxajk vxit piçthẽ'j petx u'y yã'jçxa. Txãa pa'ga piçthẽ'ja' peekx neywe'sx tasxu txuteeçxa peekx nyu yuuwa'jsa yakh utxaawa'jsa', txã'wẽ e'zçxawa teeçxsaçxáa na'wẽ yuuna pa'jya' jĩ'k Dxus librute'.

Aça' Jesusa' na'wẽk we'we: —Luuçxkuẽ adx tasxte yuusaatxi' kuçx yupnuwe, txãa pa'gatey cielute Dxus jxkaahna ũsnisa' naa luuçxkuẽwe'sx na'wẽsa jĩi íiçxá'.

Nawa jxpa'yakxmeete', makwe yaçtewe'sxçxawa, nmehtewe'sx yuutxna; naapkaçxha' nmehtewe'sx yu', yaçtewe'sx yuutxna jĩk.

Maawa jxukaysa txã'wẽ adx yakh yujxa'çxáa txãawe'sx yat, kiwe, nyakhwe'sx, npe'sxwe'sx, neywe'sx, nyu, nçxi'kwe'sx, niisawe'sx txãatx jxuka nvxiit-sa' txãa nvxiitnisate jxthaakwe wala jxpa'gatxna, sa' pçumée ĩtxi fxi'zewa'ja'swa jxpa'gatxna.

Jesus pasçxa': —Dxus jxkaahnitxi' jxuka kxtey nwẽese'jsa yuu wẽeçxa', u'jçxa iidx ji'phunitxi' jxuka txweyçxa ji'phmeekuẽsatx mes. Sa' txã'wẽ yũuçxa' cielute ji'phsa yuune'ga. Txã'wẽ yũuçxa adx yakh myuh jĩte'

Jesus pasçxa': —¿Kĩh yuupa'gaga adxa's ewsa jĩ'? Ew yũusa' teeçx yuuçxáa ũsa' txã' Dxusa'. Aça' pçumée ĩtxi fxi'zewa'ja's ji'phu wẽeçxa', Dxus jxkaahnitxi' kxtey myuu jĩte'

Na'jĩ'th na': kamelxo txakwesa' ¿ma'wẽ yũz kafxga khẽwya' ãjakx? Aça' ji'phsa yakha' txãate jxthaakwe thẽya' Dxus jxkaahna ũsnite u'kawa'j.

Adxa' na'jĩ'th na': Nyu txã'wẽ vxite piçthẽ'j yakh pkal yuuna fxi'zesameete wáa nyu's wãatahçxa vxite u'y yakh ptamuuna na' txã'wẽ vxite yakh ptamuupa'ga pkal kazx yuusáa yuuna. Meeçxawa nmi' wãataanisa u'y yakh maawa ptamuuna na' txã'wẽ u'y wãataanisa yakh ptamuupa'ga pkal kazx yuusaaíiçxáa yuuna jĩte'

Txajũ' Jesusa' na'wẽk we'we txãa yakh u'jusawe'sxtxi: —Isath we'we', ji'phsa yakha' wala yuh thẽya' Dxus jxkaahna ũsnite u'kawa'j.