Popular Bible Verses from San Lucas 3

Share

Txã'wẽ yũumeyna Juana' nasatx yu'te bautisãyna ũste', Jesuswa pa'jçxa yu'te ya'bautisãyku. Sa' oraĩçpkaçxha', cielu' phaatek. Aça' Dxus Espiritu' Jesus kajkwete tub çxihme na'wẽsak vxyaana kĩh. Naapkaçxha' cieluju na'wẽ we'wenik pthũuse: —Idxa' adx Nçxi'k wala wedxnisag, aça' iidxpa'ga wala weçxana ũsthu jĩni.

Aça' Juana' jxukaysatx pta'sxku: —Adxa' bautisãyna naasáa yu'teçxáath akhe'. Nawa adx e'suh vxite yuja', txã' Dxus Espiritu ipx na'wẽsa's i'kwe'sx ũuste kxu'akhe'jya' ãjãwa'jsa'. Aça' adxa' txajx pelgatxi wesçxáa yuhtxwa khihbxa' ãjãwa'jmeesath.

Txã'wẽ kastigo seena'saju iyuwa'ja's jiyuyã'jçxa', ewçxáa yũuna mfxi'zewe, kxah maawa uysa': Naawe'sxa' pkaltxi nvxihtçxa Dxus tasxte sxawed yuhta sũjũtxna. Txã'jĩte', kwe'sxa' Abrahan ji'tha'w sũhna iiwejçx yajkxna fxi'zewa'jme'. Na'jĩ'th na': I'kwe'sxçxáamée naa kwet yuhtxwa Abrahan ji'j vxit-ya' ãjãna Dxusa'.

Txã'wẽ ewçxáa yũuna fxi'zemeete', ama' ih yã'j ũsa' fxtũu tasxtxi spẽ'thya'. Maa fxtũu tasxwa ew yũnmeena aça' spẽ'thçxa ipxte kabwa'jçxáa yuuna jĩnak yu'kxpeh.

Dxus yuwe pta'sxsa Isaias na'jĩna fxi'jni' kxtey yuuk: Nasa u'pnimée kiwesu sus we'wenik pthũuse' na'jĩna: Dxus pa'jwa'ja's mpheu'jwe, Txã' thẽymée pa'khan. Kiwe kafx u'psuwa jxuka yuutawa'j yuuna, Sa' thã'j wala vxite' vxiç ma'k yuu nawa jxuka uukwe'jni yuutxna. Dxi'j ta'gusawa ku'le'jni yuutxna. Dxi'j ewmeesa's pheu'jni yuutxna. Aça' nasa jxukaysa uyuutxna nwe'wewa'jsa Dxus kaahnisa's jĩna fxi'jni'.