Popular Bible Verses from Hechos 1

Share

Nawa Dxus Espiritu kĩhte', txãa yu's jxpa'gawa'jsa yuji'kwe, kĩhtewa jxuka ãjaya'. Sa' txã'wẽ yũunijũ kasehçxa u'jwene'kwe adxa's tuuthe'jya' Jerusalente, Judea kiwesu, vxite' Samaria kiwesu mtee mtee maa kiwetewa jxuka jĩnak jxkaah.

Jesus pasçxa': —I'kwe'sxa' jiyuwa'jsamée i'kwe Israelwe'sxtxi nwe'wewa'j en bagaçxtewa. Dxus kwe'sx Tata yuuçxáa txã'wẽ yũuwa'j ena's jiia'.

Sa' cielun u'jya'waçxa', txajx txhitxhnisawe'sx yakh nee ũsíi, Jesusa' neewe'wek Jerusalen çxhabuh u'jmée ũskahn na'jĩna: —Mũythaswe, adx Tata kaajxa' neeyũuk txã's jxpa'gapkaçx, adx i'kwe'sxtxi pta'sxthu txã'sna. I'kwe'sxa' jii i'kwe Juana' naasáa yu'teçxáak akhna bautisaĩ'. Nawa i'kwe'sxa' Dxus Espiritute yuu bautisãyni yuune'kwe jxukaysa ja'daçxah txaçxmeyna jĩnak we'we.

Sa' uuniijũ ki' ĩtxi kiiteçxa', nyafxíi na'wẽyçxáak petx kakwe yã'jçxa txãawe'sxtxi vxyaana ũsu' kuarenta entepkaçx. Txã'wẽ ĩtxi yuuyuhga sũhna ew jiyukahnku txã'wẽ vxyaana ũsu', sa' Dxus ma'wẽ jxkaahwa'ja'swa pta'sxnak ũsu'.

Txã'wẽ we'wena jxã'jnijũ txaçxmeyna, txãawe'sx thegna ũsiyna Jesusa' ẽete kiisnik yuu cielun pe'jna u'jya'. Naapkaçxha' tãaph kũhçxa aphku, aça' peena yu' vxyaame'.

Txã'wẽ Jesusa's cielun pe'jna u'jweçte', txãawe'sxa' cielute pagayna ũsiyna, e'z piçthẽ'j ropa çxihmesa athçxa txãawe'sx pukatetx vxyaa. Txã'wẽ vxyaaçxa', na'wẽtx we'we: —Galileajuwe'sx, ¿kĩh yuupa'ga cielute pagayna ũskwe? Jesusa' i'kwe'sx ksxavxyuh ma'wẽ cielun u'jweçtekwe uy, txã'wẽyçxáa ki'kin kĩijana txãaíiçxáa jĩnatx pta'sx.