Popular Bible Verses from Maateo 27

Share

Paika keenako teetoio Eesusia, weeru sisinakaopua chaachakapua: —Eeri, Eeri, ¿reema sawatani? —No'o Riosi, no'o Riosi, ¿achinikai no'o toakamemua? —cheeka chaniwamepua eureo naewaniachio.

Eesusi mukuyoio isaeri mochiwachi tiopachioi, tísia weruma tiiame ikirepua. Puuu wisasori Riosi iyoriwachi pejana chuhkuameai, pu'ka wa'apichi keenakoo, te'pa o'inia teeresi si'parepua. Pu'ka wa'apichi keenakooi, weeeai, ki muenati noonorepua, ahkasi e'peai yooma tataka kahsirepua. Wa'a iikaopua tiameo, wahjipakame toatiachioi, yooma wahjorepua, ki ookapi Riosichi paparaka wahjipakamea, eenechi ahjarepua.

Nape Eesusia eenechi utewaeme sisinakao, mukukapua wa'asi, ahpo Noonochi nehjakapua iikao.

Waikao eenechi Eesusi meritiachi nayewakao, puuu soontaro wa'a inateka mochikamea, soontaro kapitairaopua tiameo, yooma pu'ka ikiyame tetewapaopua wa'ao, weeeo tiame ki muuenati nokayopao, tísia majariapua. Waikaopua yooma wa'a tiame ikiniopaopua, Eesusio e'repakaopua, chaachapakapua: —¡Aa, pichiwa Riosichi o'inia eenakame eneriai ihjia, Tijoe Tijoetukame!

Neipa pu'kaopua, oowetawesi o'inia yooma tukapasipasao, ahkasi arikiri paika keenako simiyachisi, taajenakapua eenechio.

Piiratoa wa'a chaachapopao ti'tijoerio, eenechi iinatukeka chaanekapua: —¿Ihtana iintotane Eesusio, Riosie Weratiame tewaniameo? Pu'kao muuwari ti'tijoeria, chaachapakapua: —¡Kurusíchi me'yaaa! Wa'a chaachapopao Piiratoa, chaanekapua: —Nape ¿ihtana ki kaawe iintokamepua wa'a yorapua? Waikao muuwaeparia, epeche utewaeme chaachapakapua: —¡Kurusichi merisáaa, kurusichi merisáaa!