Popular Bible Verses from Mak 2

Share

Urik Jisas mashi oson or misihi ormu mbara, “Ma ol jipmisiwa mbeek doktak inda ambu lir. Hako ma ol kavamisiwa nom doktak inda lir. An mbeek ma ol lihinjik hishihi mba, nir ma jivi, karem mbawa ma ondonjik a rari ambu nir, wahau. An ma ol kavakavan unda ondonjik a rari nir,” karem ormu mbara.

Urik Jisas ma tovro kavro wavu os li hishihi li mbar, “Jisas ma orton avak or unak jivik nakwa ri,” karem li hishiri angop or heyeri sir. Uri osik ma oton or heyehe ormu mbara, “Jikisi anhi misi, kavakava mihi angop a laha ormbewa sir.”

Uhu mashi las nga ormu mbara, “Mberem ushirik Avui Wasilaka Sabat wolo oson or har? Sabat oso mbeek man si mba, “Karem u, karem uwa hala.” Karem si mbakmbaha or hari ambu sir. Sabat oso men ma li limasihi li wandakmbaha or mbahandari sir.

Hako akayanga angop ma ondo er li arangorakoshirik li tirndirifuhu ma orton li kishaha akamba heye yok limu lalawura. Akamba heyeyok li lalawuhu akamasu kas li lunduhu ma orto nga ma teye os or wari oso nga kuvuk li tihi li toloho naman li halarik akaome os Jisas siri mishi orok ormu layira.

Wa, avak a mukunak ji heyekwa sir, Ma Jikisi Avui Wasilakahi kavakava ma undan yoko ermbendahi ri.” Karem or mbaha ma orton or heyehe ormu mbara, “Mir usasihi teye mihi oson laha aka mihik ika!”

Hako mberem a undahik ji hishindu? Wa, kavakava ma roto uwan a laha ermbendahik ji hishindu mo orin a mbanak jivik or nandahik jimu hishindu?

Karem or mbarik ma orto or usaha teye orhin or laha ormu ira. Urik ma amber li heyehe limu lishnyafara. Uhu li rupshihi hi Avui Wasilakahin li hausimbausihi limu mbara, “Mas mbeek tos ter nawak ni heyewa toso himi kas narik ni heyeri ambu sir, wahau.”