Popular Bible Verses from Mak 10

Share

Ma Jikisi Avui Wasilakahi oto mbeek misambi torok malakamak or nakurik tari ambu ri, wahau. Ma amber jelyaha lihi farniyik or hakurik tari ri. Os erem or unda osik jir erem ji uka.”

Urik Jisas lirin or heilaha ormu mbara, “Mbele mbele ol ma undahi ambu ondo Avui Wasilaka or undahi lir.”

Urik ormu mbara, “Anin mi hishiowenda nombo orok misokome mihi avak jivik nakwa sir. Avak usaha ika.” Karem or mbarik kolomalok misokome orhi si huririk or heyehe nor usaha ormu Jisasin tiya ira.

Uhunda osik mbele las os Avui Wasilaka or ananjahanda oso mbeek ma misambik fehe lar tlendahi ambu sir.”

Karem or mbarik Jisas orin or heyehe ormu mbara, “Mirin amu rupshinduwa. Hako mbele las os mendek mi nawak amu heyenduwa. Mir mbele mbele mihi ondon mi mbashinak li frungawushinak ya ondon mi laha erndakava ondon haka. Ushihi ra anin mi tiyaka. Os erem mi uwa kumak hevenik mi lakundan os mimu hundujenduwa.”

Urik Jisas ormu silira, “Mberem a miri ukmbaha mi mbandu?” Urik ormu mbara, “Wasilaka, a heyekmbaha amu hishinduwa.”

Hako jir erem ji uwa hala! Os jir lar malakamak or nakwak or hishi nahi, wa orhinjik or hafakaha mahi siyok or sika.

Omendingak jirin amu sawenduwa, os ma lar Avui Wasilakahi krahak or sikwak or hishi nahi, jikisakri tondo hom or naka. Os lir hom or nana ambu nahi, or mbeek Avui Wasilakahi krahak sikwa ambu ri, wahau.”

Uhu mashi las nga ormu mbara, “Ma ol misambi torok maifu iwa ma ondo kumak avak ta kumasikwa lir. Unak ma ol ter wolok kumasi iwa ondo kumak avak maifu ikwa lir.”

Hako armek ji misi, mas araje wolok Avui Wasilaka mbele mbele ondon or uri wolo hulayi nga nokove nga or uri vri. Uhunda osik hulayi or nokoplawa wolo avoko nijava orhin or halaha nokove orhi nga linda vri. Uhu opmu maome namtaskop nanda vria, mbeek apshambak nanda ambu vria.