Popular Bible Verses from Luk 15

Share

Karem or hishihi or usaha indik avoko orhik ikurik ormu ira. Or irik avoko orhi mu orin homek heyera. Or heyehe sunguwavu orhi nga ornjik or holo mendehe shirinyambar or ihi jikisi orhi oton or wakrihi normu makaptakhavan tlera.

Karem or mbarik avoko ma oto ornjik lerawun landari ondon or usharik li tarik ormu sawera, “Jikisi anhi toto angop or haha wanyindari hom ni hishandari ri. Hako ter am indik or tashiwak a heyehe amu rupshi mendenduwa. Uwa osik kolomalok kowe jiviwavi las ji laharaha orin ji falehe tavafusha nga ji falehe kumba ari nga ji faleshika. Uhu ji ihi bulmakau jikisi laka lar ji jihi ni u aha avak ni rupshika.” Karem mbaha hiyawu wasilakan li uhu aha limu rupshira.

Jirin amu sawenduwa. Ma 99 ondo angop ma worna mak li nahanda osik heven yok lirin rupshinda lir. Hako os ma kava lar mbele mbele kavakava os or undan or halaha sunguwavu orhin or tormble nahi, avak heven yok warje mende nga rupshikwa lir.”

Wa, avak a usaha indik avui anhik a ikwa nir. Uhu orin karem a sawekwa nir te, “Avui, an angop kavakavan Avui Wasilaka nga mir nga na uhunda nir.

Urik jikisi orhi mu mbara, “Avui, an angop kavakavan Avui Wasilaka nga mir nga na uhunda nir. Uwa osik anin jikisi mihik mbawa hala.”

“Os jir lar sipsip 100 nga nor nahandanak namtar wanyishiwa, mberem orvai uku? Sipsip 99 ondon minja ngashi mishik or halashihi namtar oton lasa ikwa ora.