Popular Bible Verses from Mak 2

Share

Yeisuw gog iligen asilivan, idibakes, ilana, “Tasiyas tatawtouns nag sivines doket; misinaka tasiyas takatouns. Yey nag am badawes tasiyas toubweins silma̱nin Yowbad nakaleiwag, nag. Yey nam silma̱nin takalbalebs.”

Yeisuw ikin, ikakina tasiyas inmises takatoun bivag beibwein, mapuna idibek takatoun towen, ilana, “Gwade, bo awid amsinap kalbaleb, ikous.”

Wankuyeim Yeisuw idibakes, ilana, “Sa̱bat pines gamags, nag gamag peinan Sa̱bat, nag. Kadiloka bukukwakins Gimgilitoun yey tanuwagan Sa̱bat yey.”

Sivines kid Yeisuw waseg binawes. Ta-ma̱wan, peinan gamag singay babaw. Mapuna imwens wakunuwatan bunatum, itaboulis tapwan bunatum wakunuwatan Yeisuw, ikaygwagwes takatoun towen sona a̱ban nimmasis, italaves in iton wamatan Yeisuw.

“Wotet akweiy gagab waseg yey. Kadiloka bukukwakins Gimgilitoun yey, o gunakaleiwag nises ven watinow va̱gan bawid gamag asisinap kalbaleb, mapuna adibakeim takatoun yak, ‘Kutamanaw, kukow a̱bam, kunoun kun wamven.’”

Yeisuw wananon ikakina sikanuway tasiyas, idibakes, ilana, “Aveiyag wawun mikanuway ma̱wan? Bweina balivan balana, ‘Bawid amsinap kalbaleb, beikous,’ o bweina balivan-vak balana, ‘Kutamanaw, kukow a̱bam, kunoun.’

Iligen takatoun towen, mo itamanaw wamtes tasiyas, ikow a̱ban mo inoun in. Bo isom ninous tasiyas, iyakawanes Yowbad, ilansa, “Kweitana sinap towen. Kweiboug nag takines ma̱wan, nageina mo takines.”