Popular Bible Verses from Lukas 4

Share

Merere Bubuŋana mburaana ise tio kek. Pa ni iroogo yo mi iur yo be aŋla aŋsoyaara uruunu ambaiŋana pizin tomtom ta timbot ŋoobo na. Mi iŋgo yo be aŋso pizin wal ta timbot la kan koi bizin naman na ta kembei: “Koyooto ma kala. Kosa sa ipakaala yom mini som.” Mi zin wal ta matan pisŋan na, iŋgi be matan peere. Mi zin wal ta tomtom tiseseeze matan mi tikototo zin na, nio aŋmar be aŋtatke zin pa pataŋana kizin. Mi aŋmar be aŋsoyaara sua pizin tomtom ta kembei: Nol tabe Merere iswe kat kampeŋana kini i, ta ipet kek.”

Tamen Yesu ipekel kwoono ma iso: “Sua imbot pataaŋa kek ta kembei: Lek kumbum pa Merere Anutu ku mi mbeeze pa ni itutamen.”

Tamen Yesu ipekel kwoono ma iso: “Sua imbot pataaŋa kek ta kembei: Kini men ko irao ikis tomtom sa ma imbot ndabok na som.”

Bubuŋana Potomŋana izeebe Yesu, to izem yok Yordan, mi Bubuŋana ipaŋgutŋguuti ma ila iwwa pa lele bilimŋana pa aigule tomtooru.

Tamen Yesu ipekel kwoono ma iso: “Tamen sua lwoono toro iso ta kembei: Nu irao toombo sorok Merere Anutu ku mburaana pepe.”

Tana Sadan itoombo Yesu pa zaala ta boozomen ma som, to izemi ma imbot ŋana ri.

Tona Sadan ikami ma tisala lele ta imbot kor kat. To karau men mi iso i pa lele mi toono ta boozomen ma imap. Mi iso pini ma iso: “Re. Koroŋ tau ndabokbokŋan mi zanŋan mi mburanŋan taiŋgi, nio ko aŋkam ma iwe lem. Pa koroŋ ta boozomen taiŋgi imar nomoŋ kek. Tana sombe leleŋ be aŋkam pa tomtom sa, na irao aŋkam pini. Mi nu itum tau. Sombe lek kumbum pio mi pakur yo, na koroŋ taiŋgi ko imap ma iwe lem.” Tamen Yesu ipekel kwoono ma iso: “Sua imbot pataaŋa kek ta kembei: Lek kumbum pa Merere Anutu ku mi mbeeze pa ni itutamen.”

Mi Sadan ikam Yesu ma tila Yerusalem, mi tisala pa Urum Merere uteene, to iso lae pa Yesu ma iso: “Sombe nu Anutu Lutuunu, na mbot ti mi lu u ma sula. Pa sua imbot pataaŋa kek ta kembei: Ni ko iur sua pizin aŋela kini be timboro u mi matan pu. Mi zin ko tisiibu, kokena punu se pat.” Tamen Yesu ipekel kwoono ma iso: “Tamen sua lwoono toro iso ta kembei: Nu irao toombo sorok Merere Anutu ku mburaana pepe.”