Popular Bible Verses from MARKUS 14

Share

Ka' ha' Néh sebayang, O Amam, O Amam, Kekat ineu'-ineu' péh omok éh neu' Ko'. Mai ke' buhaa' pengeketa iteu' teneng tong Akeu', bang jian Ke' kivu pengeloo' Ko', mai Ke' kivu kenin Ké' awah, ha' Néh.

Boh éh pané ngan réh béé, ka' ha' néh, Nerepan keh ngan sebayang, dai keh teneng tong tenupat Sitan. Kenin keh keloo' keh maneu' jian, bang usah keh lemoo', ha' néh.

Seruh keh jian-jian, mai keh ngelepan éh, semah-semah irah bara' rengah jian pah tipo tana', adang réh pu'un bara' tong penganeu' redo inah, ha' Yésus ngan réh.

ka' ha' Néh ngan réh, Juk matai Ku' neu' kebesau kenin Ké' ne', jian keteleu' mokoo' siteu' ngan nerepan, ha' Néh ngan réh.

Tovoo' réh kuman Yésus alaa' roti ngan sebayang, bara' jian kenin ngan Allah, boh Éh memutui éh ke' Néh mena' éh ngan irah bakéh Néh. Ka' ha' Néh, Jian keh alaa' iteu', iteu' néh seleket usah Ké', ha' Néh.

Boh éh alaa' sawan baa' buaa' agun ngan Iah sebayang bara' jian kenin ngan Allah, boh Éh mena' éh ngan réh kepéh, irah béé mesep baa' inah. Ka' ha' Yésus kepéh, Iteu' néh seleket dahaa' Ké' éh nena' Ké' ngeliwah kekat kelunan, dahaa' Ké', inah éh maneu' jajii' Allah pu'un petem.

Ka' ha' Yésus ngan réh, Adang kekat ka'ah pu'un kelap ngan bet Akeu', barei' ha' lem surat Allah pu'un bara', ka' éh, Allah mematai Gembala boh kekat domba nah purat.

Betéé' keh, inah savéé' kelunan éh memalo Akeu', ha' Néh ngan réh.

Ka' ha' Yésus kepéh, Seruh ke' jian-jian tong ha' Ké' iteu', Bé' jak iap sakui ngelangéé' duah koléé' merem da'ap dat, adang ko' pu'un ngaken teleu' koléé' bara' bé' ke' jam Akeu', ha' Néh.