Popular Bible Verses from MATIUS 10

Share

Ha' Yésus kepéh, Jian keh seruh jian-jian, Akeu' nyohoo' ka'ah tai barei'-okoo' domba belah bekuleu'. Uban néh kenat jian keh mesenah barei'-okoo' torok ngan dawai kenin keh barei' juhit punai.

Kelunan éh seruh juk mihau urip néh tong tana' awah, tawang urip néh inah, kenat péh kekat pengeloo' néh kepéh. Bang kelunan éh bet kekat pengeloo' néh tengéé' ke' néh ngajung Akeu' dalem kekat penganeu' néh, kelunan inah éh omok murip mu'un, ha' néh.

Mai keh medai tong kelunan éh mematai usah keh éh bé' pu'un penyukat mematai sahéé' keh. Bang jian keh medai tong Allah éh pu'un penyukat kebéé usah keh ngan sahéé' keh dalem luten meraka.

Ngan séé'-séé' éh bé' alaa' salib néh ke' néh tuai kivu Akeu', bé' iah payoo' tong Akeu'.

Séé-Séé éh ngakun pengelan néh tong Akeu' tong jumen kelunan Akeu' péh ngakun bara' iah tong jumen Tamen ké' tong seruga. Bang séé-séé éh ngaken bara' iah' bé' jam Akeu' tong Jumen kelunan, Akeu' péh ngaken bara' Akeu' bé' jam iah tong jumen Tamen ké' tong seruga.

Jian keh peka'o kelunan éh sakit ngan purip irah éh matai, ngan Peka'o irah éh Sakit Kapéé', ngan bet kekat balei'. Pu'un Tuhan mena' penyukat néh ngan keh, bé' éh nelih keh, kenat péh jian keh pika réh, mai keh menyat ineu'-ineu' jin réh kepéh.

Uban néh kenat mai keh medai, uban ka'ah éh pelapah jian jin kekat juhit nah, ha' néh.

Ha' Yésus kepéh, Mai keh seruh Akeu' tuai mihin kelunan tunuk tong tana' iteu', bé' Akeu' tuai dokoo' mihin kelunan tunuk bang po'é.