Popular Bible Verses from LUKAS 8

Share

Tulin éh pelohoo' tong tana' jian nah, inah éh kelunan éh lepah menéng ha' tebaraa' Tuhan ngan mihau éh mu'un lem kenin réh ngan kivu éh kepéh, pah avéé' réh ngebuaa' kepéh, ha' Yésus ngan réh.

Tulin éh pelohoo' tong suha' nah, inah kepéh kelunan éh lepah menéng ha' tebaraa' Tuhan, neu' kekat penusah réh, neu' réh pitah pengekaya' ngan urip éh jian tong tana' awah, inah éh maneu' ha' tebaraa' inah ngerising lem kenin réh, bé' buaa' réh omok pinaa'.

Tulin éh pelohoo' tong bateu' ja'au éh pu'un tana' si'ik awah tong néh nah, inah éh kelunan éh lepah menéng ha' tebaraa' Tuhan, laho réh alaa' éh ngan jian kenin, bang bé' iteu' masek lem lepok kenin réh. Pu'un réh ngelan bang metok awah éh, hun tenupat ngan sioo' penusah, pu'un réh moléé' murin kepéh jin pengelan réh.

Ha' Yésus ngan irah éh bakéh Néh nah kepéh, Kineu' keh kenat bé' ngelan, ha' Néh. Hun irah bakéh Néh na'at kepu ngan lipak nah lepah ma'o, béé kenin réh medai réh. Boh réh pané belah irah ke', ha' réh, Kineu' kelunan iteu' ke' néh omok pané ngan kepu ngan lipak ke' néh pu'un kivu sohoo' néh kenat, ha' réh.

Tulin éh pelohoo' tong dirin jalan nah, inah éh kelunan éh lepah menéng ha' tebaraa' Allah bang tuai Sitan alaa' ha' tebaraa' inah jin dalem kenin réh, dai réh omok ngelan ngan alaa' urip.

Kenat péh ineu'-ineu' éh pelim, bé' éh omok pelim pelinguh, adang néh poléng kepéh, ngan ineu'-ineu' éh petavun kelunan, adang néh pu'un kejam réh ke' kepéh.

Hun redo inah jam Yésus jam éh, tuai éh ngejekuu' lep néh déhéé' gem Yésus ngan riet éh medai, inah iah bara' tong kesakit néh ngan tong néh pu'un ma'o kepéh. La'ah ha' Yésus ngan néh, Uban ko' ngelan Akeu' inah ko' pu'un ma'o, moléé' ke' ngan pawah kenin ko', ha' Néh ngan redo inah.

Boh bakéh Yésus nah tioo tai peto'ot Yésus. Ha' réh ngan Néh, Eii Guru, kaham lu' tu' dat, ha' réh. Boh Yésus betéé' meta' kepu ngan lipak nah, nyohoo' éh pawah ngan ma'o. Bé' pu'un kepu gahang kepéh ngan bé' pu'un lipak ja'au kepéh, kekat inah lepah pawah béé.