Popular Bible Verses from LUKAS 17

Share

La'ah ha' Yésus ngan kelunan inah, Betéé' ke' moléé'. Pengelan ko' lepah peka'o ke', ha' Néh.

Hun néh maneu' sa'at ngan ko' tujuu' koléé' lem jah dau, siget koléé' néh tuai tavin ke' ngan bara', Menyat jian akeu' ngan ko', jian ke' pika éh, ha' Néh.

La'ah jah usah jin belah réh nah, hun néh na'at usah néh lepah ma'o, moléé' éh tavin Yésus kepéh, ke' néh mejing Allah ngan ja'au ha' néh. Pelapah éh kuba' déhéé' gem Yésus ke' néh bara' jian kenin ngan néh. La'ah kelunan éh moléé' tavin Yésus nah, bé' éh pohoo' Yahudi, jah kelunan Samaria éh.

Mavaa' keh jian-jian. Hun padéé' ko' maneu' penyala', jian ke' tai meta' éh, hun néh pekoléé' kenin, jian ke' mega' penyala' néh.

La'ah Yésus pané ngan néh, Jah poloo' usah kelunan éh lepah ma'o jin kesakit néh rit, kemah éh pi'en usah kepéh?

Boh Yésus pané ngan réh kepéh, ka' ha' Néh, Barei' tulin buaa' kayeu' sesawi éh si'ik mu'un bang pelén néh éh pu'un dalem néh inah éh mihin éh omok murip. Kenat péh na' péh éh si'ik awah, hun pengelan keh pu'un mu'un, adang keh omok nyohoo' inan ara inah pavut jin pu'un néh inah ngan mulah éh kepéh tong baa' banget, adang inan ara inah omok kivu sohoo' keh kenat, ha' Néh.

Kelunan séé'-séé' murip kivu kenin néh tengéé', bé' éh pu'un urip mu'un, bang kelunan éh bet kekat pengeloo' néh tengéé' ke' néh kivu kenin Tuhan, inah éh pu'un urip mu'un.

La'ah ka' ha' Yésus ngan irah bakéh Néh kepéh, Adang pinaa' arong-arong jalan éh mihin kelunan maneu' penyala', bang tusah mu'un-mu'un tong kelunan éh mihin réh maneu' penyala' kenat. Kelunan éh mihin réh maneu' penyala' nah, pelapah jian réh marau éh tai tana' éh jah, jin néh mokoo' ngan murip belah pohoo' néh ngan mihin kelunan éh lemoo' kenin maneu' penyala' kepéh.

Barei' hun Noh murip tong tana' sahau, pinaa' kelunan telalau awah ngan bé' jam seruh, kenat péh tong dau savéé' Anak Kelunan kepéh. Kelunan éh sioo' urip Noh sahau rai, pu'un réh kuman ngan mesep ngan telalau awah, ngan kawin péh, pah avéé' dau Noh masek lem kapen ngan pu'un baa' ja'au ngan irah béé matai menyet neu' baa' inah.