Popular Bible Verses from LUKAS 14

Share

Kelunan séé'-séé' éh juk tuai bakéh ké', hun néh bé' leko tong tamen tinen néh, ngan leko tong redo néh, ngan tong anak néh, ngan tong padéé' néh lakei' ngan padéé' néh redo péh, kenat péh tong urip néh, adang néh bé' omok bakéh Ké'.

Kelunan séé'-séé' éh bé' alaa' salib néh tengéé' ngan kivu Akeu', adang néh bé' omok bakéh Ké', ha' Néh.

Uban siget kelunan éh ngajung usah néh tengéé', iah tai ra' kepéh. Kelunan éh ngera' usah néh iah éh pu'un kenajung réh kepéh, ha' Yésus ngan réh.

Barei' inah péh bé' pu'un séé'-séé' péh omok bakéh Ké' hun néh bé' bet kekat-kekat éh anah nah, ha' Néh.

La'ah ka' ha' Yésus kepéh, Kineu' hun kelunan juk maneu' lamin, bé' éh mokoo' seruh tenah tong rigit néh hun sukup ngan bé' péh. Hun néh bé' pu'un seruh éh, na' péh réh lepah mejek kekat jek néh, hun balun néh bé' pu'un adang réh bé' omok petok gelan tong néh. Hun néh kenat boh kekat kelunan éh na'at éh mala' awah. Boh kelunan bara', Na'at lamin kelunan inah, irah tupat maneu' lamin bang bé' éh omok pesuai mu'un, ha' réh.

Bang hun ko' tebai kelunan tuai pelelong kuman, jian ke' tebai kelunan éh kari ngan kelunan éh matai keluhat, ngan kelunan paket ngan kelunan peseu', boh ke' jian, uban bé' irah omok maneu' ineu'-ineu' éh ke' réh mena' ngan ko' kepéh. Tovoo' Tuhan metéé' kelunan jian jin patai réh, boh Tuhan pu'un mena' oléé' néh ngan ko' kepéh, ha' Néh.

Ka' ha' Yésus kepéh, Adang usen nah méé éh, bang hun néh mabah, bé' lu' omok pekeméé' éh kepéh. Hun néh mabah kenat bé' pu'un gunah néh la'ah, bé' lu' omok pakai éh, bé' ke' lu' omok alaa' éh baja' pulah lu', nebet lu' awah éh. Kelunan éh pu'un kelingen tekep éh menéng, ha' Néh ngan réh.