Popular Bible Verses from LUKAS 12

Share

Uban néh kenat jian ka'ah petenup kenin keh tenah, uban adang Anak Kelunan pu'un tuai, barang belah kenin ka'ah bé' seruh Éh tuai péh, boh Éh pu'un beleka' tuai, ha' Yésus.

Uban Tuhan éh Pengeja'au keh ngan mihau keh, jian keh ngelayau pitah pengeloo' néh tenah, boh éh omok mena' sukup penguman ngan pakai keh péh, ha' Yésus.

Boh Yésus pu'un bara' ngan kekat kelunan béé, ka' ha' Néh, Seruh keh jian-jian, mihau kenin keh jin kekat éh agat keh, uban na' péh kelunan kaya' mu'un ngan pinaa' livah, bé' éh murip neu' kekat livah néh, ha' Néh.

Semah-semah livah keh nodoo' keh, sinah ke' kenin keh, ha' Néh.

Inah kepéh, séé' jin belah ka'ah éh omok pekebit urip néh uban néh ngelayau mihau usah néh, adang néh bé' omok.

La'o inah Yésus pané ngan irah éh bakéh Néh, ka' ha' Néh, Uban néh kenat Akeu' bara' ngan keh, mai keh besau kenin seruh tong penguman keh, jin semah keh omok alaa' éh sukup siget-siget dau. Kenat péh tong pakai keh, mai keh tusah seruh jin semah keh omok alaa' pakai keh.

Kenat péh ihat bok keh lepah penurung Néh béé, uban néh kenat mai keh medai uban ka'ah éh pelapah jian jin kekat juhit éh pinaa' nah, ha' Néh.

Ka' ha' Yésus kepéh, O kekat bakéh ké' éh barei' jah vun domba éh kerat awah, amai keh medai, uban Tamen keh iah éh pengeja'au keh ngan mihau keh.

Seruh keh jian-jian tong juhit, bé' éh pu'un pulah, ngan bé' éh nérék, ngan bé' éh pu'un luvung, na' péh éh kenat Allah éh pakan éh, ka'ah iteu' pelapah jian jin juhit éh pinaa' nah, ha' Néh.

Mai keh tusah kenin ngelayau pitah penguman ngan pakai keh awah

Allah éh suai layan busak inah pu'un jian, na' péh éh metok awah murip, ngan la'o inah nebet réh éh dalem luten. Hun néh kenat kineu', bé' Allah keloo' mena' pakai ngan keh kei. Kurang mu'un pengelan keh.

Bé' pu'un ineu'-ineu' éh petavun ke' néh bé' poléng kepéh, kenat péh kekat ha' éh benara' réh ngan jah usah awah, adang kekat kelunan pu'un jam éh kepéh.