Popular Bible Verses from ÉPESUS 4

Share

Bang jian keh dawai kenin, nolong petolong, pika pepika, pekua' Allah dalem Kristus pu'un pika ngan mega' penyala' lu'.

Jian keh diva' kenin ngan dawai kenin, ngan kebit kenin. Jian keh kebit kenin pika kelunan lem kekat pengelemoo' réh

Mai keh sa'at ha' ané, bang jian keh pané tong kekat éh omok ngegahang ngan ngereken kenin kelunan, dokoo' keh omok nolong irah éh menéng ha' keh inah.

Jian keh bet kekat ha' éh sa'at éh omok punyat kenin kelunan ke' néh merek. Mai keh paneu' ngan mai keh pané ngan luvaa'. Mai keh leko kelunan ngan ngesa'at ngaran réh.

Hun keh merek, mai kejeraa' kemerek keh inah mihin keh maneu' penyala', ngan mai keh merek pah avéé' dau tahup. Mai keh maneu' giwang ngan Sitan.

Uban néh kenat jian keh piso jin gaya' pengurip keh éh sahau, tovoo' kelunan bé' jak ngelan tong Tuhan, uban kekat gaya' pengurip keh inah ngelavo' keh awah. Tekep kenin ngan penyeruh keh pu'un maréng kepéh. Jian keh murip barei' kelunan éh pu'un urip maréng éh pekua' urip Allah, ngan pepoléng keh pu'un urip maréng inah neu' kekat barék keh pu'un teneng ngan ni'ai.

Ngan mihau mu'un-mu'un dokoo' keh ngelayau pekua' kenin dalem Sahéé' neu' keh murip lem pengepawah Néh.

Pu'un Iah mena' kuraa' pengena' ngan kelunan ke' réh omok nolong sidang, Iah ngevéléé' jelua' réh ke' réh omok lawah Néh, jelua' kepéh ke' réh nabi, jelua' kepéh ke' réh perengah Rengah Jian tong Yésus, jelua' kepéh ke' réh gembala mihau sidang, ngan jelua' kepéh ke' réh guru nebaraa' tong sidang. Iah maneu' kenat dokoo' nolong kekat kelunan éh anah Allah maneu' kereja' Néh dokoo' sukup avéé' usah Kristus pu'un gahang, inah éh sidang nah. Inah jalan uleu' béé jah awah lem pengelan ngan jam tong Anak Allah, avéé' uleu' béé pu'un sukup kenin jam seruh, inah éh avéé' uleu' béé sukup kenin dalem kekat pengejian Kristus.

Hun lu' pu'un kenat bé' lu' barei' anak éh bé' jam seruh, bé' lu' duah kenin keteu'-ketai barei' lipak, ngan bé' lu' palit neu' kekat kepu, inah éh ha' tebaraa' éh benara' kelunan éh ngelavo' irah éh jah ke' néh petawang réh neu' aken kenin néh éh kenyo. Bang jian keh bara' tong kekat éh teneng, neu' kenin keh penoo' ngan penika Tuhan jian uleu' pepit kepéh dokoo' lu' sukup mu'un dalem kekat ineu'-ineu' lem Kristus éh ulun lem sidang.