Popular Bible Verses from PENGANEU' LAWAH 1

Share

Bang hun keh alaa' Sahéé' Ni'ai boh keh pu'un penyukat, boh keh omok bara' Ku' ngan réh, kenat péh tong Yérusalem, kenat péh tutuh tana' Yudea ngan Samaria, pah avéé' tipo tana', ha' Néh.

La'ah Yésus mipa réh, ka' ha' Néh, Bé' tiken ke' keh juk jam éh, uban Tamen Ké' awah éh pu'un penyukat bara' tong jaka' Néh.

La'ah tovoo' Yésus pu'un pemung ngan irah lawah Néh, pu'un Éh bara' ngan réh, ka' ha' Néh, Mai keh piso jin leboo' Yérusalem, bang jian keh mena pengena' Tamen Ké' éh pejajii' Néh ngan keh rai, éh lepah benara' Ké' ngan keh nah. Uban pu'un Yohanes ngebatis kelunan lem baa', bang ka'ah juk benatis lem Sahéé' Ni'ai bé' lebéé' la'ah, ha' Yésus ngan réh.

Avéé' pat poloo' dau kelebéé' la'o Yésus betéé' jin patai Néh, pinaa' koléé' Néh pepoléng usah Néh ngan réh, ke' réh jam Éh mu'un adang Néh pu'un murip mu'un. La'ah pu'un réh na'at usah Néh mu'un ngan pu'un Éh nebaraa' réh tong Pengihau Allah.

La'o Néh pané kenat, lem réh kepuh Éh, pu'un Tuhan alaa' Éh tai seruga, ngan pu'un avun mekep Éh jin ta'an réh.

Lem réh to kepuh sinah, tioo pu'un duah usah éh pu'un pakai mebéng nekedéng déhéé' réh. Ka' ha' roh ngan réh, O kelunan jin Galilia, uban ineu' keh nekedéng kepuh tong langit kenat? Yésus ri' nalaa' Tuhan tai seruga jin belah keh, adang Néh juk tuai kepéh pekua' keh na'at Éh tai seruga nah, ha' roh.