Popular Bible Verses from Roma 5

Share

Kai i'a laomai apala'i akapakapa'i kai, Iesu Kristo fau'aisai emae. Deo ega ekapa oma puo, Isa alo ko'agai i'a ani'a eani auga epakinai'a.

Ke ega'ina afia'amaga i'a alo'a afaepamafua. Gome Deo ega Spiritu i'a epenii'a auga faagagai Isa alo ko'agai i'a ani'a eani auga laoga maina i'a gua'a alogai e'efauka.

I'a ega'ina mo alogama alapa'aua kai, a'a kiekie isafa alogama apa'aua. Gome i'a alogo kiekie i'a alo'a faafiapia mo auga laoga maina epagama. Ke akiekie kai alo'a aafiapia mo laoga maina auga, i'a a'a laomai felo epagama. Ke ega'ina laoga maina afia'ama epagama.

Ega puo i'a a'a pako'ai alo opai au'a amia kainai, i'a a'a Lopia Iesu Kristo faagagai Deo i'a fou agagao. Deo ega gafegafe akaiki'agai, pau i'a fou gagaoai aagu. Ke Iesu Kristo i'a apako'ania auga faagagai agalao gafegafe ega'ina alogai agakoko agekaina. Ke i'a a'a afia'amai Deo ega isapu ke ega eaea akaiki'a agaisa auga alogama apa'au alogaina.

Lau ega laifa oma, gome i'a papiau aumauni laomai apala ikapa au'a, kapa aga'o fakapa Deo maagai alo opai au'a famia faekaina kina alogai mo, Deo ega logoai kina ekainia aisama, Iesu Kristo papiau Deo akeau afagaina au'i fau'iai emae.

Ega puo pau i'a Iesu Kristo ifagai Deo maagai alo opai au'a amia kainai, isa faagagai Deo ega guakupuai i'a a'a laomai apala'i afa fepeni'a auga eegai kania'a ageagamauga paisa.

Gome Adamo ifogamo Deo aina aeafia faagagai, papiau aumauni ma'oai apala ikapa au'i kemia. Ega koa i'opoga, Iesu Kristo isafa ifogamo Deo aina eafiia faagagai, Deo papiau ma'o Isa maagai alo opai au'i agepamia'i.

Ega'ina mo laa'i kai, i'a a'a Lopia Iesu Kristo faagagai Deo i'a fou epo'aisai gagao emia. Deo ega koa ekapaisa kainai, i'a Deo fou aagu auga alogama amapa'aua.