Popular Bible Verses from Roma 3

Share

Gome papiau ma'oai laomai apala'i kekapai'i, Deo ega agu afugai ega eaea, ke ega isapu akaiki'a afugai afakekoko. Kai Deo ega gafegafe akaiki'a kainai Iesu Kristo faagagai papiau e'i laomai apala'i afa'i eogeisa. Ega puo papiau Iesu Kristo kepako'ania au'i, isa e'i laomai apala afa akeogeisa kai, Deo isa maagai alo opai au'i epamia aageni'i mo.

Ega'ina keagaga auga papiau Deo maagai alo opai au'i fekemia auga keagaga. Ke ega'ina keagaga auga Deo eegai emai. Papiau ma'oai Iesu Kristo kepako'ania pako'agai ega'ina keagaga emai eko'a, ke Deo maagai papiau ma'oai auga i'oi'i aga'o laa'i.

Deo Iesu Kristo elogoaina, a'o koa i'opoga emia imaauga Deo epalao penia, ke kaisau isa ifa i'a fau'aisai efaka auga epako'ania auga, Deo isa ega laomai apala'i ea'ini'i. Deo ega ekapa oma auga, Isa ega alo opai ala koa auga epakinai'a. Gome aufalao aga'o Iesu aepako'ania koa kai laomai apala'i ekapa'i au'i Deo isa ega laomai ega'ina au'i afa apala aepenia eafiapi'i mo emai pau e'agegeaini'i. Deo ega koa ekapaisa, Isa ega alo opai ala koa auga pau epakinai'a. Ega koa Deo ifo ega alo opai ala koa auga, ke Iesu Kristo kepako'ania au'i alo opai au'i epamia'i auga i'a fepakinai'a eoma.

Gome kai aga'o Deo ega iifa kai'iai mo agepea Deo maagai alo opai auga agemia afaekaina. Lau ega laifa oma, gome Deo ega iifa faagagai i'a a'a laomai apala'i auga oko alogo felo.

Ega'ina fouga Deo ega iifa pukagai iina eifa oma: “Deo maagai aufalao aga'omo mo ganinagai alo opaina laa'i. Ke kai aga'o Deo ega iifa oko aelogo, ke kai aga'o Deo aekapuga. Ke ma'oai Deo kemunia, ke ma'oai kapa aga'o felo ee'iai afaegama. Ke kai aga'omo mo ganinagai kapa felo aga'o aekapa.”

Gome lai apamia papiau aga'o Deo ega iifa kainai epea puogai Deo maagai alo opai auga aemia kai, ega pako'a kainai Deo maagai alo opai auga emia aoma.

Laa'i afaekaina! Ega'ina auga Deo ega iifa pukagai iina kepapua oma: “Ega koa oi lonini'ani aisama, kapa'ina loifania auga opaina mo fekeoma. Ke papiau oi iifa ipakainai koa kepaapaukaiso, kapa'ina lokapa auga felo o apala keoma aisama, oi papiau fou iifa opakaisa au'i lopa'ualai'i, iifa ipakaina ega'ina oi loafiia.” Deo ega iifa auga ko'a ipauma koa i'opoga, papiau ma'oai pifoge au'i kai, Deo ifogamo auga ko'a ipauma mo fopamia.