Popular Bible Verses from Mateo 7

Share

Ke Iesu eifa pugu einaka, “Fopinoi ke agoafia. Fokapuga ke agokapulaisa. Ke pa'afi fo'inipa ke pa'afi ageagalai.

Gome kaisau epinoi auga kapa'ina egoina auga eafia. Ke kaisau kapa aga'o ekapuga aepakipo auga ekapulaisa. Ke kaisau pa'afi e'inipa auga pa'afi eagalai.

Ke Iesu eifa pugu einaka, “Ega puo papiau ma'oai lau e'u iifa a'o kelogo ke kekapa au'i auga, ikifa auga fopa laagai e'a epaapa auga koa i'opo'i.

Ega puo kapa ma'oai agokapa'i alogai, papiau oi eemiai kapa'ina fekekapa ooma auga mo isa ee'iai fokapa. Gome Moses ega iifa ke profeta ma'oai e'i iifa ma'oai ega fokapa oma keoma kepapua ekae.”

Kai keaga elao papiau agu pagai maunina keafia afugai epealai auga ake e'ele, ke pa'afina isafa ake e'ele. Ega puo papiau isa'i mo ega'ina pa'afinai kekoko.”

Ke Iesu eifa pugu einaka, “Oi auga pa'afi ake e'elegai fokoko. Gome keaga ake akaiki'a auga elao afu apala ipauma papiau epalifu'i afugai epealai. Ke ega'ina afuga pa'afina ake akaiki'a. Ega puo papiau ma'o ega'ina pa'afinai kekoko.

Oi laomai apala ikapa aumi mo ganinagai, pipeni felo gaumi ipeni'i ologo. Kai oi Amami ufai eague auga felo ipauma puo, kaisau Isa egoina auga pipeni felo'i ma'o mo agepenia papiau ageka'egaini'i.

Ke Iesu eifa pugu einaka, “Aufalao aga'o kapa aga'o ekapaisa auga oi alomiai isa felo o apala ekapaisa folooma. Laa'i koa aisama, oi kapa aga'o alokapa aisama, aufalao aga'o isafa alogai oi felo o apala lokapaisa ageoma. Gome felo o apala alomiai agoopolaga agoifania aisama, Deo isafa oi eemiai ega koa agekapa. Ke aufalao aga'o ega laomai felo o apala afa ala openi oma auga i'opoga mo, Deo oi afa ega agepenimi omaimi.

Kai papiau ma'oai lau e'u iifa a'o kelogo kai kai'iai akepea au'i auga, kafo'o auga ega e'a figuai epaapa auga koa i'opo'i.

“Kapa puo oi aami akimi maa'iai au keilina aeapuga e'ele ekae auga oisa kai, oi ifomi maamiai au u'ufa akaiki'a ekae auga gefa aloauga? Oi aufa kina maamiai au u'ufa ekaega maami ekaisapua kai, ala koa aami akimi opaini'i oinaka, ‘Aau o akiu, maamuai ama'ama e'ele maafilaisa ooma?’

Ke Iesu eifa pugu einaka, “Profeta pifoge'i eemi kefai au'i foisa felo'i. Isa faaga'i afe auga sipi koa i'opoga kai alo'i auga, ago alo amu'e'i a'i'i koa i'opo'i. Ke isa papiau kapa'i au'i e'i laomaisai agoisa'i agologo. Ke papiau ini gufugai aupua puaga akeafia agekaina ma? Ke ini gufugai au aka fik keoma auga isafa puaga akeafia agekaina ma? Laa'i afaekaina!

Ega koa i'opoga, au felo auga puaga felo eoge kai, au apala auga puaga apala eoge.

Ke au felo auga anina apala afaeoge, ke au apala auga anina felo afaeoge.

Au kapa'i ani'i felo afakeoge au'i akeaga'i loai ake'afoau'i.