Popular Bible Verses from Luka 10

Share

Lau oi isapu akaiki'a lapeniimi efua. Ega puo oi kaapa aoao fou agogafamu'a'i. Ke emi ou Satani ega isapu akaiki'a ma'oai afaepalifuimi.

Ega aisama Lopia iifa epamue einaka, “Marta, Marta, oi loopopo alogai, kapa ma'o alomafu'i lopa'au'i. Kai foloopopo alogaina kapa aga'omo moopolaga. Maria auga kapa felo ekinaga, ke kai aga'o ega'ina kapa isa afaeafania,” eoma.

Ke pamalele auga iifa epamue einaka, “Oi alomu ko'agai guamu fofougai, imaaumu fofougai, alomu fofougai, ke emu kapula fofougai emu Lopia Deo anina foani. Ke alomu ko'agai ifomu animu loani koa i'opoga, emu e'a ipafe au'i isafa alomu ko'agai ani'i foani,” eoma.

Ega'ina alogai epaini'i einaka, “Iifa faunina a'o fekelogo au'i auga laiti i'aina kina ekainia koa i'opoga kai pinauga au'i ma'o laa'i. Ega puo laiti i'aina Lopiaga amogoina ega pinauga au'i ma'o gaulai'i ega laiti afugai kegapinauga.

Iesu i'ina palapole eifania efua aisama, au ega'ina epa'ani penia einaka, “Painao au'i au ega'ina keauniia auga eegai, sakedote auga, Lefi ikupuga auga, ke Samaria auga au'i oiso epo'iai, loopolaga kaisau auga isa ega e'a ipafe auga koa i'opoga emia?” eoma. Ke Moses ega iifa pamalelega kania auga iifa epamue einaka, “Laopolaga, au ega'ina gua eania auga isa ega e'a ipafe auga,” eoma. Ega aisama Iesu isa epainia einaka, “Oi isafa folao ega koa fokapa,” eoma.

Ke pau lau oi sipi gauga koa i'opomi laulaimi agolao amu'e a'i'i epo'iai agokoko!