Popular Bible Verses from Ioane 5

Share

“Iifa gome maamiai laifania, kaisau lau iifa laifania auga ainau elogo, ke lau eulaisau auga epako'ania auga agu pagai maunina eafia, ke Deo eegai afa apala afaeafia. Kai isa mae afugai epealai, epagai agu pagai maunina afugai ekoko efua.

Iesu elao ega'ina auga eka eisa aisama, elogo isa auga inipo ealogai eisafa eka. Ke epa'ani penia einaka, “Oi anina loani felomu momia looma ma?” eoma.

Oi alomi ko'agai Deo ega iifa puka omaleleaina, gome oopolaga ega'ina iifa'iai agu pagai maunina oafia ooma. Ke Deo ega iifa ega'ina au'i lau fou keifania. Kai oi lau eeu fomai ega koa agu pagai maunina foafia auga oumakalaina.

Ega aisama Iesu au ega'ina epainia einaka, “Mo'ue, emu ile moafia mopea,” eoma. Ke fiakoa mo au ega'ina felo emia, e'ue ega ile eafiia epea. Ke mirakulo i'ina auga Iudea papiau'i Deo keau afagaina kinagai emia.

Kai Iesu Iudea papiau'i isa kegaaupugua keoma auga elogo aisama, i'ina iifagai e'i iifa epamue einaka, “Iifa gome maamiai laifania. Gauga kapa aga'o ifogamo afaekapa kai, isa Ama kapa'ina ekapa eisa auga agekapa. Gome Ama kapa'ina mo ekapa auga Gauga isafa i'opoga mo ekapa.