Popular Bible Verses from Ioane 16

Share

“Lau i'ina kapa'i maamiai laifani'i, ega koa oi lau fou agaagu puogai oi gagao alomiai ageka. I'ina agofa'agai oi kiekie akaiki'a'i agoafi'i. Kai alomi fekapula folomani'i. Lau i'ina agofa'a lapalutinia efua,” eoma.

Kai Deo ega Spiritu, Deo ega iifa ko'a epafokia auga agemai aisama kai, isa oi agepapeaimi Deo ega iifa ko'a'i au'i ma'oai agepalogonimi. Ke isa ifo ega logoai afaenini'ani kai, isa Deo eegai kapa'ina a'o elogo auga mo ageifania. Ke isa kapa'ina muni akemai au'i isafa ageifani'i.

Oi lau fou alao amai mo alogai, ke emai mo i'ina kinagai auga, lau akauai kapa aga'o lau Amau alogoinia. Kai pau lau akauai Amau amogoina, ke kapa'ina ogoina auga agoafia ega koa alomi agegama alogaina.

Kai iifa gome maamiai laifania. Lau alalao auga oi faumiai felo. Gome lau afalalao koa aisama Pipalagai Auga afaemai. Kai lau alalao koa aisama, isa alaulaisa agemai. Ke Pipalagai Auga ega'ina agemai aisama, agofa'a papiau'i e'i laomai apala'i kapa'ina auga agepakina'i. Ke Deo agogai alo opai lao'i mai'i kapa'ina auga isafa agepakina'i. Ke Deo papiau e'i laomai felo o apala afa agepeni'i auga kapa'ina auga isafa agepakina'i.

Ega koa i'opoga, oi isafa eemiai ega koa agemia. Pau oi emi alomafu kina kai lau oi alaisami pugu, ke alomi agegama alogaina. Ke kai aga'o ega'ina alogama afaeafanimi. Ke ega kinagai oi lau eeuai kapa aga'o afologoina. Iifa gome maamiai laifania. Lau akauai kapa'ina Amau agogoina auga agepenimi.

Iifa gome maamiai laifania. Agofa'a papiau'i alo'i agegama alogai, oi auga agoapepe agopinapina. Oi alomi agemafu kai, emi alomafu ega'ina agepopo alomi agegama.