Popular Bible Verses from Ioane 12

Share

Ke kaisau lau e'u pinauga ekapa auga lau muniuai fepea, gome lau kapai alaagu auga, lau e'u pinauga auga isafa egae ageagu. Ke kaisau lau e'u pinauga ekapa auga, lau Amau isa au akaiki'a agepamia agepalopiania.

Ke au kapa i'ina agofa'agai ifo ega agu maunina anina eani alogaina auga, ega agu agepagea. Kai au kapa i'ina agofa'agai ifo ega agu maunina anina aeani auga, ageagu mo agelao agu pagai maunina ageafia.

Iifa gome maamiai laifania, palafa puaga afae'ualai a'isaai afaemae koa aisama, puaga ma'o afaemia kai aga'omo mo agemia. Kai palafa puaga ega'ina agemae ke ageuki pugu koa aisama, puaga ma'o ageoge.

Ke lau eaea koa lamia lamai i'ina agofa'agai ega koa kaisau lau epako'aniau auga uminagai afaeagu.

“Kai kaisau lau e'u iifa a'o elogo kai kai'iai aepea auga, lau isa ega laomai felo, o apala auga afa afalapenia. Gome lau lamai agofa'ai auga papiau e'i laomai felo, o apala afa fapeni'i laoma puo alamai kai, kania'i faagamauga laoma puo lamai.

Ega'ina alogai Maria mulamula afa akaiki'a ipauma, ke foga felo aka nad auga eafiia emai Iesu ife e'efaisa. Egae kai fufugai Iesu ife epaigu fugania. Ega aisama ega'ina e'a alo mulamula ega'ina foga epogu.

Ega aisama isa pa'ogo aga'i kefaiponi'i keafii'i kai, kepea apua keagaga keinaka: “Hosana!” “Lopia akagai emai auga Deo isa kapa felo'i epenia!” “Israel e'i Kin auga Deo eegai kapa felo'i eafi'i!” keoma.

Kai Iesu einaka, “Papiau Aumauni Gauga isapu akaiki'a feafia, ke papiau ma'oai isa au akaiki'a fekepamia fekeau afagaina auga kina maaga emai ekainia.