Popular Bible Verses from 2 Tesalonaika 2

Share

Yomba tau ka kanekane kakimbi di ene tenaglmiwo, pirkriyo. Enge i yoko ta plau dikrambiwa. Komnaiye kana yomba merkinde kenaglme ere God mokono tenaglkwa. Te lo sendungwa yomba ye ombunodi unongugl pi moglkwa, ana yombamo i God dumere okuwo ende guglo kamun pi kinde erambuka.

Angrima wagle, Yaglkande ene pre munduwo pangwa ipre no engenge ene pre God diwakai yei tenamga, sraglpre, komnaiye kana God ene ere-ina pre kan panduglkwa. Ene God yombama moraglkwa pre Holi Spirit wu holi enaglmedi ana ene ka kaima i pirngi dingwa mambuno i mina God ene ere-yungwa.

Ye yene dembiye sindre ana dembiye karaugl ere teingwa yomba taragl kanekane ere God wedi i kunda ikine eretenambuka. Te God holi yungumo yungugl kra amedi mogl ana yene God mole dinambuka.

Nono Yaglkande Yesus Krais ya te Neno God ye nono kanwakai yongwa. Te yene wakaimo mina ere endungo nono nomano engenge pokndungwa. Te nono akepledi norko pirngi dindre ana okuwo taragl wakai aimande inamga ipre sugl mounga. Ana ene deno munduno ye sigigledi tendre te akepledi tenan ene mambuno wakai ere te ka wakai engenge dimoraglkwa.

Mambuno ipre God eremogl kakimbi giglendi dungwa mambuno i-endungo ye kakimbi mambuno i pirngi dinaglkwa.

Lo ka sendingwa yomba i Satan siriye sitenan ye unongugl pi, mambuno kimbi mina ye kongun giglendi ere ana kimagl ya diu kanekane erambuka. Ba mambuno kinde orkwa i kakimbi merkinde dungwa. Yomba wau boraglkwa meglmara i ye kakimbi ditongwa. Ba wau boraglkwa yomba i God kamo piramnedi pirmbi, ana God pra ye ere-inambuka, ba ye God kamo kaima pir kiurikwa.

Ene pirkan erikwa, lo ka sendingwa mambuno i erme atnekra kongun eremoglkwa. Ba taraglmo i konbo aimande yongugltre mogl ana enge ta yenan angai tenambuka.