Popular Bible Verses from 1 Pita 3

Share

Ba ene nomano suna Krais ye Yaglkande moglmedi pir wanmoraglimiwo. Te ene taragl wakai inamunedi pre anduwa yei sugl meglkwa i yomba ta mambunomo piramnedi krapeglmbi ana ene ka mongo yomere-pamere di ikine endinaglkwa, ipre engenge ene akekun ere moraglmiwo. Te ene nomano undi yenan meglmbi kade Yaglkande Krais mambunomo pamere aimande ere moraglkwa. Ana ene Krais mina sika sindre mambuno wakai erikwa ipre yomba dikinde yenaglkwa ba yomba okuwo yene angai goraglkwa.

Sraglpre Yaglkande ongumuglo kan yomba, duyene meglmara ende, ana ye kina yei kamange erikwa i pir moglkwa, ba tandaglme erikwa yomba. Yaglkande gumadra ere temoglkwa.”

Ene nangino tembe wakai kanaglmedi pre ekin kanekane gaglkraglkwa. Ana bitno yungo ekin te i-kanekane endekre te taragl gol pagl bekingwa i nangino mina ekin gaglkre te kungugl gagl wakai yene kanekane endekraglkwa. Tamanga. Ene nomano sunakra, taragl wakai kanekane kinde erekrambuka yongwa i ene ekin teiyo. Ana ekinmo i yeglmere, nomano wakai ya te nomano pokndi yongwa mambuno yegl mina God ongumuglo wagle wakai tawa pangwa.

Kamambuno pepa mina yegl dungwa, “Yomba ta wakai mogl, gunyei ana enge wakai kanagledi piran, ye drambiye sugl wakai mogl, ka kinde dikre te kakimbi dikrambuka. Ye taragl kinde mina moko tendre, mambuno wakai keunde erambiwo, ye yene nomane pokndi yenambuka ipre doko, ana mambuno i mina giglendi morambuka.

Ka yegl di poriya sinaglka. Ene kindaginde nomano suwara yei ana yomba prapra mitno goraglmiwo. Te ene angro tau pre munduno panan ana argan ere tendre te enene pre pirimbi atne eran moraglmiwo. Mambuno kinde ere tembi ene mambuno kinde ere te ikine endekriyo. Te tori baglte tembi, ene mongo tori bagl tekraglmiwo. Ba God ere wakai ere ye tenambedi pre kamange ere teiyo. Ene yegl eraglkwa pre God ene pinde yungwa, ana yegl erimbi God ere wakai ere tenan ene inaglkwa.

Ene mambuno wakai eramnedi yombuglo erimbi ana ira ene erekinde eretenambe?

Ye taragl kinde mina moko tendre, mambuno wakai keunde erambiwo, ye yene nomane pokndi yenambuka ipre doko, ana mambuno i mina giglendi morambuka.

Ana nono mambuno wakai ounara ipre God yumbun inaglmedi piran, i pra wakai iwe. Ba nono mambuno kinde ere yumbun inamga i kinde kaima.