Popular Bible Verses from Luke 11

Share

Nungkway niiy way iiy-iiyaniy-a, niiy min-minam piꞌ-piꞌaniy thanang puk niiyantam anangan. Puth niiy kan ngaantam-ngeeyān nunang piip God.ana. Nil ep min-minam paththam iiy-iiyan. Niiy weeꞌ-weeꞌanangan thawin nungant God.antan-a, nilana Ngeen-Wiy Min nungantaman kuchow niiyant, ngangk niiyantamangan yipam wun-wunow.”

Yaa, ngay puth inan waaꞌāng niiyant. Nil weeꞌ-nathan thawiy nungant God.antan maꞌ-aathow nunang-a, an nil God.angan maꞌ-aathow nunang. Nil weeꞌ-nathan woyan God.antamakan wenk-wenkiy-a, an nil God.angan ngul meenathow nungant. Nil weeꞌ-nathan meeꞌ-wuthanamiy nungantan-a, nil God.angan ngul ngeeyow nunang. Yaa, niiy woyan min nungantamakan wenk-wenkān, aꞌ puth God.antan thawān nungant maꞌ-aathanakan.

Yaa, ngay puth inan waaꞌāng niiyant. Nil weeꞌ-nathan thawiy nungant God.antan maꞌ-aathow nunang-a, an nil God.angan maꞌ-aathow nunang. Nil weeꞌ-nathan woyan God.antamakan wenk-wenkiy-a, an nil God.angan ngul meenathow nungant. Nil weeꞌ-nathan meeꞌ-wuthanamiy nungantan-a, nil God.angan ngul ngeeyow nunang. Yaa, niiy woyan min nungantamakan wenk-wenkān, aꞌ puth God.antan thawān nungant maꞌ-aathanakan.

Aꞌ nil Jesus.an thaw thant, “Niiy kaangkwey thawān God.antan-a, niiyiya wik yimanangan thawān nungant: ‘Piip nganttam in kenyana, ngan kaangk pam wanch maꞌmangkamangana waaꞌayn nintang wuut piꞌan, aꞌ minam paththaman a! Ngan kaangk nint moom wuut piꞌan iiyān ngant, pam wanch yotamantana, ngan yipam maꞌ nungkarang wunāna, maꞌ wiyantangan yaꞌa. Ngan kaangk pam wanch maꞌmangkamangan wik nungkaraman ngeeyayn, aꞌ woyan min koochanam nungkaram anman wak-wakayn.

Nint nganang ngangk mamān aꞌ putha kon-ngathow nintang way yot anangan nganan yump-yumpan, puth ngan ngangk maman thanang, kan kon-ngathan nganang way thanan yump-yumpin ngant. Nint weekān nganang oony way alantaman, aꞌ kalān nganang woyan way anpalan ngan yipam way keꞌ yumpān. Yey, piipa, anman kana.’ ”

Piip-ang, kinch inana nganangan maꞌangam piꞌān ngan yipam may minh thakan uwāna.

Meeꞌ niiyantam anangan-a, keꞌ nganth yimanangan kemp niiyantamakan. Niiywey meeꞌ minangaman iiy-iiyinwey-a, an keꞌ niiy nganth piꞌanang yimanangan iiy-iiyaniy. Niiy nath meeꞌ way thampangan-a, an keꞌ niiy aak ngaaꞌang yimanangan iiy-iiyaniy.

Nil Jesus.an putham thaw thant, “Thon inan waaꞌāng niiyant. Nil pamangweya nath lantern pathathiywey-a, an nil wuthanangan keꞌ thenchiy nganthaniya, yaꞌa, nil yuk paathangan keꞌ kangiy, yaꞌa. An nil pam alangan keny achantang waanchow pam wanchangan yipam nganthan thathayn than aawuchangan ngoonchaynana.