Popular Bible Verses from 1 Samuel 2

Share

Magay nasantoan ay kaman din Diyos tako, maga polos di makaiso. Magay odom ay komakaman ay pankamangan tako mo adi et si Diyos Apo.

Din nababa ya kaseseg-ang di kasasaad da, et ipangato na ya kaanenan kaibabainan da. Pakitokdoenas daida sin ipogaw ay way banol na, et nangato ay turay di pangisaadana en daida. Din naisaadan di lobong, si Diyos di akin oka, sisya di nangisaad isnan daga.

Ay-ayowanana din biyag di ipogaw na, ngem din managbasol et sin mabolinget ay kad-an di natey di panturongan da, tan adi mabalin ay matago di ipogaw si bokbokod na ay pigsa.

Waday pabitegena, waday pabaknangena, waday ipababa na, wada abey ipangato na.

Si Diyos et ena peslen ya biyagen, ipababa nay ipogaw sin kad-an di natey ya kasinan tagoen.