Popular Bible Verses from Galatia 5

Share

Tibua, ain og pigboyaꞌan nog Bolakat nog Mikpongon, mongon dianon og glolat, og daꞌdaꞌan, og kotiknaꞌ nog pomikilan, og kopayat nog ponutus. Bu moto ion sumungod, bu ombaꞌis og kohinangan non sog duma non, kosoligan ion, bu ombabaꞌ og bolotabat non. Bu moto ion moktigol nog dili glegan nog glawas non. Daꞌidun nododaꞌ og botad nog mogondiꞌ nog maꞌ nini koni.

Dadi, saꞌan sumboy og Bolakat nog Mikpongon og mogokbit nog polomotadon niu bagun amu ondiꞌ mokopoginang nog glegan nog ginungod nog mokodusa.

Dadi, bila mitubuꞌ ita noma bianan dia sog Bolakat nog Mikpongon, sumboy ion da og mogbayaꞌ nog polomotadon ta.

Dadi, bila maꞌ nituꞌ og pigotowan amu noma ni Kristu Isus, og glam nog glegan niu kituꞌ nog ginungod nog mokodusa, sinunuꞌ niu na dia sog kopatoy ni Kristu Isus kituꞌ sog kudus.

Poꞌ kosunan ta na bog olo doga og gininisan nog glegan nog ginungod. Maꞌ nog momabal, bu og duma kohinangan koyon nog kosipogsipog. Monglodawan ilan, bu polonggaꞌid ilan, mokangit ilan, mokpoksusi ilan, mogdalu ilan, bu bululokowon ilan, mogapas ilan nog ilan motas, mogabak ilan, bu moksinugutoy ilan. Bu gimaan nilan sog pakasi nilan, bu og kopoglangulangu nilan dunut kohinangan koyon nog diꞌ pia. Dadi, saꞌan podonsomaꞌon ku tumaluꞌ dianiu maꞌ nog tinaluꞌ u kituꞌ dianiu, nog ain moginang nog maꞌ nog pigolong u koni, ondiꞌ ilan nododaꞌ mokopomusakaꞌ sog pigdotuꞌan nog Mikpongon.

Dadi amu pigilugan, saꞌan inonggat amu nog Mikpongon poꞌ bagun amu mokawaꞌ sog bayaꞌ nog Botad kituꞌ. Tibua, konaꞌ poꞌ imungon niu tibua nog sagya daꞌawa niu, nog bagun amu tibua mokopoginang nog minsan olo og glegan nog dili glawas niu. Sugaꞌid non, poktinobangoy amu bianan sog glolaman niu.

Poꞌ og glegan nog ginungod, ondiꞌ tokodoy mosulut dia sog glegan nog Bolakat nog Mikpongon. Mamaꞌ dosop nog kolegan nog Bolakat nog Mikpongon nog ondiꞌ dosop mosulut sog glegan nog ginungod. Poꞌ ondiꞌ ilan nododaꞌ ion moksulut. Dadi, ain moleg amu kituꞌ bosia moginang dun, diꞌ niu na minang.

Poꞌ og botad kituꞌ nog pilatas dia ni Muses miglologinis, tibua, kinumpung sog soginis nog dondagan. Og dondagan koyon maꞌ nini, “Sumboy molalam amu dia sog sumbaloy niu maꞌ da nog glolaman niu sog dili glawas niu.”

Dadi bila maꞌ nituꞌ, sumboy ondiꞌ ita na mokpotaspotas, otawaka mokpulekpulek, otawaka mokpimapima sog duma ta.

Dadi, bila sinumolabuk ita na dia ni Kristu, daꞌ ita na pogboyaꞌoy nog Botad kituꞌ. Dadi bila maꞌ nituꞌ, pokpopagon amu nog pokokunut niu dia ni Kristu. Naꞌ amu na mokpulipon mokpuliꞌ.