Popular Bible Verses from Marcos 1

Share

Ne hein egkepkepawè en, ne mid-enew si Jesus ne mid-awà diyà te valey ne midsivey sikandin diyà te wazà duen etew su ed-ampù.

Ne ke sikandin te, “Iyan en heini timpu he egketuman sikan is nengetagnà dengan su meg̵aan en edhadì keniyu is Megbevayà. Iniyug̵i niw en is memezaat he ulaula ne tuu kew te Meupiya he Tudtulanen.”

Ne te egaun en si Jesus dutun te wahig, segugunè din naahà is langit he nepuwasan ne is Wag̵as he Mulin-ulin, edlugtanà diyà te kandin he iring te merepatik. Ne zutun nezineg is Megbevayà diyà te langit he egkag̵i te, “Minahal ku sikew he anak ku. Utew ku en sikew igkelipey.”

Wahig is ibewtismu ku keniyu, iyan, haazà he etew is ed-ilis kediey, iyan ibewtismu zin keniyu sikan is Wag̵as he Mulin-ulin, he ke và dà egkeg̵iya, ibeg̵ey zin keniyu is Wag̵as he Mulin-ulin.”

Ne migkag̵i si Jesus diyà te kandan te, “Menunug̵es kew ves te pait? Duma kew kedì ne etew mulà is egkekuwa niw wey zan mekesundan kedì.” Ne zutundutun mid-engked dan is ebpenlaya ne miduma zan kandin.

Ne haazà is menge etew, hein nezineg dan is kebpenurù din, utew zan nengeinuinu su is kebpenurù din, ne kenà iring te kebpenurù te menge menunudlù te kesug̵uan te menge Hudiyu su zekelà mulà is gehem ni Jesus te kebpenurù.