Popular Bible Verses from Mateo 19

Share

Ne zutun midtengtengan sikandan ni Jesus te egkag̵i te, “Kenà iyan egkehimu te etew; iyan, egkehimu mulà te Megbevayà he ibpaangken din is etew te untung he wazà pidtemanan su egkehimu zin is langun.”

Ne tenged kayi,” ke si Jesus, “kenè en maan dutun dezuwa he etew haazà is teleesawa, kekenà, sevaha zà, ne tenged kayi zaan kenà egkehimu he ipedsuwey te etew is midsevaha te Megbevayà.”

Ne midtavak si Jesus te, “Wazè niw ves mevasa sikan is insurat he Lalag te Megbevayà he edhenduen te, ‘Dengan te kedlimbag̵a te Nengazen te langun, mibeelan din is maama wey vahi. Tenged kayi ed-ewaan te maama is amey zin wey iney zin ne ebpengesawa te vahi ne zutun egkesevaha sikandan.’

Iyan, migkag̵i si Jesus dutun te, “Ipehendini niw te kediey heeyan is menge vatà; ne kenè niw zewaya su is etew he zuen din kedsarig he iring te kedsarig te vatà ne iyan ebpekepahadì te Megbevayà.”

Iyan, mezakel is menge etew g̵untaan he henduen be te zekelà is pid-etawan dan, iyan, utew minus is pid-etawan dan keuzemà. Ne mezakel zaan is etew g̵untaan he utew minus is pid-etawan dan, iyan, keuzemà, utew zekelà is pid-etawan dan,” ke sikandin.

Ne is minsan hentei he mid-ewaan din is baley zin, menge suled din, amey zin, iney zin, anak din, wey tanè din su edsunud sikandin kediey, egkezawat din is kenenggatus egketakep haazà is mid-ewaan din ne liyu zutun ibeg̵ey kandin is untung he wazà pidtemanan.

Ne migkag̵i si Jesus te, “Emun edheg̵eten nu pa, ulì ka ne ivelegyè nu is langun he menge azen nu, ne is halin, ibpemeg̵ey nu ziyà te menge egkengeayuayu, ne edsepian ka ziyà te langit. Ne ke egkeipus nu heeyan likù ka zini wey ka mekesundan kediey.”

Ne midtavak si Jesus te, “Maan is id-insè nu kedì is meupiya he ed-ul-ulahan he sebsevaha zè man is ed-ulaula te meupiya ne wazè en duma, kekenà, iyan dà is Megbevayà. Ke egkesuat ka he meveg̵ayi ka te untung he wazè din pidtemanan, tumana nu is menge sug̵ù te Megbevayà.”

Egkeg̵iyen ku keniyu he kenè din egkehimu. Melemu pa te kemilyu is kedseled din diyà te vudsi te rag̵um kenà te sepian he etew is kebpesakup din te Megbevayà wey sikandin mehedii.”

Ne tenged kayi egkeg̵iyen ku keniyu he ke zuen maama he ed-engkezan din is esawa zin he wazà sikandin is maama selselai zutun te esawa zin ne ed-uman ebpengesawa, ne haazà he maama, ebpekesalà dutun te nehuna he esawa zin tenged dutun te kebpengesawa zin.”

Ne zutun migkag̵i si Jesus diyà te menge sumusundan din te, “Utew mereg̵en te sepian he etew is kebpesakup din te Megbevayà wey mehedii sikandin.