Popular Bible Verses from Lucas 9

Share

Ne mid-uman si Jesus megkag̵i diyà te kandan te langun, ke sikandin te, “Ke zuen egkesuat he edsundan kedì ne kinahanglan he iawè din diyà te isip din is kandin he paag̵i ne tianga zin te kada andew is krus din, he ke và dà egkeg̵iya, kinahanglan he edtumanen din is menge sug̵ù ku minsan pa ke iyan ibpatey zin. Ne human ebpekesunud kedì.

Su ke zuen etew he egkenug̵unan din is untung din, ebpatey g̵ihapun. Iyan, ke zuen etew he minsan ibpatey zin pa is kedsunud din kedì, id-ulì te Megbevayà diyà te kandin is untung din ne kenè en sikandin ebpatey te wazà pidtemanan.

Ne midtavak si Jesus te, “Emun ed-eradu ka he layun ka edlilingey ne kenà heeyan meupiya. Iring din ded daan is etew he edsundan kedì wey zuen din igkelilingey ne kenà sikandin dait he edhedian te Megbevayà.”

Minsan ke maangken pa te etew heini is tivuuk he kelibutan, wazà pulus diyà te kandin ke kenà sikandin egkeveg̵ayan te untung he wazà pidtemanan ne edsilutan pa sikandin.

Is minsan hentei he igkeeled e zin wey igkeeled din is ibpenurù ku, siak is Kakey te Menusiyà, igkeeled ku zaan sikandin keuzemà ke edlikù a he zekelà is gehem te ked-anlag ku wey edsun-uzan ad te mekeg̵eg̵ehem he anlag te Amey ku he Megbevayà wey te anlag te menge velinsug̵uen te Megbevayà.

Ne migkag̵i si Jesus diyà te kandin te, “Is laku, ne zuen surung he egkeubpaan din, ne is menge tagbis, ne zuen kandan he salag, iyan, siak, is migeraran te Kakey te Menusiyà, ne wazà hustu he egkehimelayan ku.”

ne ke sikandin te, “Is etew he tenged te kedtuu zin kedì, edewaten din ne ebpurungan din heini is deisek he vatà, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedì. Su is minsan hentei keniyu he ebpevayàbayà te menge zuma zin, iyan sikandin tutuu he lavew keniyu.”