Popular Bible Verses from Juan 19

Share

Ne hein nesupsup ni Jesus haazà, migkag̵i te, “Nepasad ku en is langun.” Ne midungul ne zutun minatey.

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Ne hein naahà ni Jesus is iney zin wey sikan is sumusundan he mahal ziyà te g̵ehinawa ni Jesus, migkeg̵iyan din is iney zin te, “Inà, iyan en heeyan anak nu.” Ne zutun migkeg̵iyan din sikan is sumusundan din te, “Iyan en heeyan iney nu.” Ne puun dà dutun he andew ziyè en med-ubpà is iney ni Jesus te valey zutun te sumusundan ni Jesus.

Ne hein iyan en si Jesus, neehè dan he minatey en, umba, wazè dan en penlepui sikandin. Iyan, is sevaha zutun te menge sundaru, mibpilak din te vangkew is tengkilizan ni Jesus ne zuen midtudà he ebpuun dutun he lengesa wey wahig.

Umba neulaula haazà su egketuman sikan is tagnà diyà te insurat he Lalag te Megbevayà he edhenduen te, “Wazà minsan sevaha te menge tulan din he egkelepù.” Wey zuen daan insurat he tagnà he edhenduen te, “Edtengtengan dan is etew he mibpilak dan.”

ne migawas dan dutun te inged ne impetiang dan ki Jesus haazà is krus he edrensangan kandin. Midhendiyè dan te egngezanan te Tulan te Ulu. (Ne te kineg̵iyan he Hibriyuhanen egngezanan te Gulguta.)

Ne hein netapus te menge sundaru haazà is kebug̵ela zan kandin, mibengkulè dan is dug̵iyen he g̵awed ne insuup dan diyà te ulu zin. Ne zutun impekukumbalè dan kandin is merig̵à he kumbalà su uvag hadì.