Popular Bible Verses from Juan 14

Share

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

“Kenà mebmesakit is gehinawa niw,” ke si Jesus, “kekenà, sarig kew te Megbevayà ne sarig kew zaan kediey.

Ne edsug̵uen te Amey ku zini te keniyu is Menenavang he ed-ilis kediey. Iyan sikandin sikan is Wag̵as he Mulin-ulin ne ibpenurù din keniyu is langun, ne ibpetenuzan din keniyu is langun he migkag̵i ku keniyu.

Is etew he edewaten din is menge sug̵ù ku ne edtumanen din, iyan sikandin etew he utew a mahal ziyà te gehinawa zin. Ne mahal zaan sikandin dini te g̵ehinawa zey te Amey ku, ne edhimuwen ku he metueni zin he iyan a zuma zin.”

ne edhengyuan ku is Amey ku su wey zin ikeveg̵ey keniyu is Menenavang he ed-ilis kediey he kenà edsuwey keniyu te minsan keenu. Iyan sikandin sikan is Wag̵as he Mulin-ulin he tutuu is ibpenurù din. Kenà heini egkezawat te menge etew zini te kelibutan he kuntada te Megbevayà su kenè dan egkekilala sikandin ne kenè dan egkesavut ke hentei sikandin. Sikiyu mulà, nesavut niw en ke hentei sikandin su ziyà ed-ubpà te keniyu ne kenà daan ed-awà diyà te keniyu.

Ke zuen ebuyuen niw kediey tenged te kedtuu niw kediey, ebeelan ku su wey mevantug is Amey ku tenged kediey. Su is minsan hengkey he ebuyuen niw tenged te kedtuu niw kediey, ebeelan ku.

Emun mahal a ziyà te g̵ehinawa niw, edtumanen niw is menge sug̵ù ku keniyu

Mezakel is menge egkeubpaan diyà te ed-ubpaan te Amey ku, su ke kenà tutuu heini, wazè ku g̵eina sikiyu keg̵iyi he edhendiyà a te ked-andam te egkeubpaan niw.

Ne emun ebpekehendiyà ad su ed-endaman ku sikiyu te egkeubpaan, edlikuan ku sikiyu ne ziyà ku sikiyu ed-uwita te ed-ubpaan ku. Ne zutun, ke hendei a, ne zutun kew zaan.

Ne migkeg̵iyan si Jesus ni Tomas te, “Wazè dey metueni ke hendei ka ebpevayà. Ebmenmenuwen dey ve te kegketureduwa zey te ibayè nu?”