Popular Bible Verses from Ipisu 5

Share

Ne geina ve te sikiyu ne menge anak kew en te Eleteala ne igkelimù din, ne iringi niyu ke ulaula te Eleteala su apey ke ulaula niyu ne iring kandin. Ne pelimlimuey kew iring dut te limù ni Hisus kenitew. Su ke limù din kenitew ne impekita rin ketà te imbeliwas din ke umur din su apey ke Eleteala se ebpeliyu kenitew te kedusa rin te menge salà tew. Ne ini se kinebeliwas din te umur din ne iring te indrenà ne ibehey te Eleteala ne nekesuhat te hinawa te Eleteala.

Tembù be urami niyu nevenar ke ed-ul-ulaan niyu. Kenà kew ed-ulaula iring dut te menge etew ne warà nesebsebutan din, ugaid ne iyan niyu ul-ulaa ne iring dut te metampas ne menge etew. Su gunteani ne hewii ne ke menge etew ne metehel ne ed-ulaula te meraat, ugaid ne sikiyu ve mulà ne kenà kew alang-alang te edtuman te meupiya ne ed-ul-ulaan.

Kenà kew ve ed-inum te ebpeketevereg su ayan ne ebpekegkeraat keniyu. Ugaid ne iyan niyu peveybeyaa te hinawa niyu ke Kedesenan ne Ebpetuntul te Menusiyà. Embiya egkevurun kew ne beyuka niyu ke Lalag te Eleteala kayi te iringà niyu su apey ebpekereyù ki Hisu Kristu ke Kerenan tew. Ne arà se kedeyù niyu ki Hisus ne egenat imbe te mehalew ne hinawa niyu. Ne peselemati niyu ke Eleteala ne Amey tew misan engkey se egketemanan niyu su atag dut te mid-ulaula ni Hisu Kristu ke Kerenan tew.

Kenà kew ed-ulaula te warà atag din, ugaid ne pemengaa niyu ke engkey se ed-ul-ulaan niyu ne ebpekesuhat te kiyug te Kerenan tew ne si Hisus.

Sikiyu ne menge meama, ne iyan iya se limui niyu ke esawa niyu iring dut te kegkelimù ni Hisu Kristu te menge etew rin. Su imbeliwas din ke umur din te kebpeliyu rin keytew.

Su rengan ne iring te ke itungan niyu ne merusirem, su warà niyu pà metueni ke ralan te Eleteala. Ugaid ne guntaani ve ne ke itungan niyu ne nereyahan en su midsarig kew en ki Hisu Kristu ke Kerenan tew. Tembù be iyan niyu ul-ulaa ne dait ne ulaula rut te etew ne kayi en te kerayahan.

Layun kew pekita te kebpeed-edatey niyu su geina te iyan niyu ibpeuna te hinawa niyu ne si Hisu Kristu.

Sikiyu ne menge meritan, ne perumaruma kew dut te esawa niyu iring te kebperumaruma niyu ki Hisu Kristu.

Ne kenà arà dà se meana rin su ebpenurù dema te sikiyu ne tiwaley. Tembù be sikiyu ne menge meama ne iamin niyu ke hinawa niyu te edlimù te esawa niyu iring te kedlimù nu te hinawa nu. Ne engketà dema ke meritan, edati niyu rema ke esawa niyu.

Su iring dut te impesurat ne Lalag te Eleteala ne egkahi te, “Embiya ed-esawa ke meama, ne ed-ewaan din ke amey rin wey ke iney rin ne ebpekidtampung sikandin dut te esawa rin su ebpekidseveka sikandin.”

Kenà kew ed-amung-amung dut te ulaula ne warà keupianan din, su arà ke perangey dut te menge etew ne merusirem pà ke itungan din. Ugaid ne iyan niyu ul-ulaa ke metidtu su apey ran egkekita ke keraat dut te ulaula ran. (