Popular Bible Verses from Mako 16

Share

Tetyo, eŵawuzya kuti, “Nkhoyani ku calo conse ca pansi, mukaŵilizye ku ŵanthu wonse Malizu Aweme.

Wocetekela azocita vokanganisha voteti: akofumya viŵanda mu zina yangu, akolaŵila malulimi ŵa lomba. Nipo akakate njoka, keno kumwa cakumwa cingaŵapaye akacenekekelini, akayika manja pa ŵanthu olwala, akopola.”

Ŵamene ŵatiazecetekele nobatiziwa, azepulumuke, koma ŵatiazecetekelelini azepezewe ni wocimwa.

Tetyo, asambili ŵala eluta noŵilizya kulikonse. Asikulu enzoseŵenza nawo pamo, nipo enzowonesha kuti venzoŵilizya venze vyendi na vokanganisha venzocita.]

Koma mulumbwana wala eŵawuzya kuti, “Musacite wowa. Nuziŵa mupangwa Yesu wa ku Nazaleti, wala wecipanyika pa mtanda. Wawuka, muliye muno. Onani, ni apa pecimuyika.

Koma pololesha ewona kuti cimwala cikulu ngako cala cakankhiwa kale. Peciloŵa mu manda mwala ewona mulumbwana enze nkhezi pansi ku citwa ca ku kwanja kwendi, enzovwale mkhanjo utuŵa. Ŵala anakazi ezizimuka.