Popular Bible Verses from Mat 16

Share

Pamene apo Yesu ewuzya asambili ŵake kuti, “Aliyense opangwa kukonkha newo, azikane yeka na kuti atakule mtanda wake, nokonkha newo.

Lomba nukuwuzya kuti, niwe Petulo (kutanthauza kuti ‘mwala’), nipo pa mwala uyu nikamangepo Mpingo wangu, nipo mphamvu ya Gehena ikapitepolini.

Nikakupe tanthauzo ya Ufumu wa Kululu, nipo ciliconse cawamanga pano pansi cikomangiwa Kululu, nipo ciliconse cawamangulula pano pansi cikomangululiwa Kululu.”

Cikomo wopangwa kupulumusha moyo wake azeawutaye, koma wotaya moyo wake cikomo ca newo azeawufwane.

Nga munthu ophindula vinji pakuŵa navo vonse va pa calo ca pansi, koma notaya moyo wake? Munthu angalipilenji cakuti anunulile moyo wake?

Lomba eŵakonsha kuti, “Nga mwewo, mukuti nine ŵani?” Simoni Petulo eyasuka kuti, “Nimwe Mesiya Mpulumushi Wolayizyiwa wala, Mwana wa Mulungu wa moyo.”

Yesu elaŵila kuti, “Niwe woshukishiwa, Simoni mwana wa Yona! Pakuti munthu aliyokuwululile ici, koma Atata ali Kululu.