Popular Bible Verses from Luka 5

Share

Pecisilizya kulaŵila, ewuzya Simoni kuti, “Kankhilani konoka, pozani makombe ŵanu kuti mkate masaŵi.”

Simoni elaŵila kuti, “Asambizyi, usiku wonse taŵa tuseŵenza, osakata kanthu, koma cikomo mwewo mwalaŵila tetyo ni ciweme nipoze makombe.” Tetyo, ŵeve epoza makombe, nokata masaŵi anyinji ngako, motetyo, makombe ŵala etatika kungʼambika.

Koma yeve enzokuya ku malo kusapita–pita ŵanthu, nolombela kwamene uko.

Newo niliyowelele kuzoyita ŵanthu wolungama koma wocimwa, kuti ayaluke mtima.”

Simoni Petulo peciwona vamene ivo, efukama noŵelamila ngako pa menso pa Yesu elaŵila kuti, “Pepani Asikulu, nifumilemponi, pakuti nine munthu woyifya.”

Yesu eŵayasuka kuti, “Munthu wosalwala angapangwelini ngʼanga, koma wolwala.

Motetyo, pecidonsela mawato wala ku silya, esiya vonse nomukonkha.

Yesu peenze mu munzi uyakine, kwiwela munthu muyakine enze na mambombo mu muŵili wonse. Peciwona Yesu, eziponesha pansi moŵelama pa menso pake notatika kudandaula. Elaŵila kuti, “Asikulu, mukapangwa, munganisuke.” Yesu etambulula kwanja kwake nomukumya nolaŵila kuti, “Nupangwa, sukiwa!” Pamene apo mambombo ŵake esila.

Koma mbili ya Yesu iŵilikilako, nipo maumba anyinji ŵa ŵanthu enzoungana kuti amvwe malizu ŵake, nipo soti kuti aŵapozye matenda ŵawo.