Popular Bible Verses from رُومَا 5

Share

آمَا اللَّهْ وَرَّانَا مْحَبْتُو، عْلَى خَاطِرْ وأَحْنَا مَزِّلْنَا مُذْنْبِينْ مَاتْ المَسِيحْ عْلَى خَاطِرْنَا.

والرْجَى مَا يْخِيبِشْ عْلَى خَاطِرْ اللَّهْ فَاضْ بِمْحَبْتُو فِي قْلُوبْنَا بِالرُّوحْ القُدُسْ الِّي عْطَاهُولْنَا.

وأَكْثِرْ مِنْ هَكَّا، نِفْرْحُوا زَادَا فِي أَوْقَاتْ الضِّيقْ، عْلَى خَاطِرْ نَعْرْفُوا الِّي الضِّيقْ يْعَلَّمْنَا الصَّبْرْ. والصَّبْرْ يْخَلِّينَا نِتْقَوَّاوْ وَقْتْ المِحْنَة، والقُوَّة هَاذِي تَخْلَقْ فِينَا الرْجَى،

مَالَا، مَادَامْ اللَّهْ رَدْنَا صَالْحِينْ بِالإِيمَانْ، وَلَّى عَنْدْنَا سَلَامْ مْعَاهْ بْرَبْنَا يَسُوعْ المَسِيحْ، وبِيهْ نَجَّمْنَا نُدْخْلُوا بِالإِيمَانْ لِلنِّعْمَة الِّي أَحْنَا فِيهَا تَوَّا، ونِفْرْحُوا الِّي عَنْدْنَا رْجَى، الِّي أَحْنَا بِشْ نْشَارْكُوا فِي مَجْدْ اللَّهْ.

وفِي الوَاقَعْ، وَقْتِلِّي كُنَّا مَا عَنْدْنَاشْ القُدْرَة بَاشْ إِنَّجِّيوْ رْوَاحْنَا، مَاتْ المَسِيحْ عْلَى خَاطِرْ المُذْنْبِينْ فِي الوَقْتْ الِّي إِخْتَارُو اللَّهْ.

ومَادَامْنَا تَوَّا وَلِّينَا صَالْحِينْ بْدَمُّو، مَالَا أَكِيدْ بِشْ نِنْجَاوْ بِيهْ مِنْ غَضَبْ اللَّهْ.

وكِيمَا بْخَطِيئِةْ إِنْسَانْ وَاحِدْ النَّاسْ الكُلْ وَلَّاوْ مُذْنْبِينْ، زَادَا، بْطَاعِة إِنْسَانْ وَاحِدْ بَرْشَة نَاسْ بِشْ يْوَلِّيوْ صَالْحِينْ.

ومُشْ هَاذَا بَرْكْ، آمَا زَادَا نِفْرْحُوا بِاللَّهْ، عْلَى طْرِيقْ رَبْنَا يَسُوعْ المَسِيحْ الِّي صَالَحْنَا مْعَاهْ.