Popular Bible Verses from Yohane 15

Share

Ni imi waiŋ ic ura ini imi hawahécna. Méŋnéŋ méŋ nuac qerinaiguc keru ni iwac qeriaiguc kecba imi héla sasala haimac. Waŋu ini ni qahaciguc iwawai méŋ wammuac séc qahac.

Nuac qerinaiguc kecgic onac qeriginaiguc kecmaŋ. Hawa méŋnéŋ waiŋ ic uraiguc ménda mékétamaciguc eŋeyanec héla haimacac séc qahac. Imuhucyanec nuac qerinaiguc ménda kecmuiguc ini acguc héla haimuac séc qahac.

Ini nuac qerinaiguc kecgic nuac ackuaʒéc qeriginaiguc hezaciguc imi iwawai méŋ niŋac wamma ʒéwelecgic imi niŋénécmiwa memu.

Eneŋ ni ménda népésigic, néŋ neŋ ini énépésiyi. Imi mia ini héla hémbénaŋa heheya haima nuac qaciguc Maŋgoc imuac me imuac qesigic énécmiyu késamu niŋac kumu énécmiyi.

Ic méŋnéŋ alahéra méra énécmimaŋ ʒé efima humumac imi iwac goi héihéiya imi eŋeŋa yanda. Goi héihéi méŋnéŋ imi ogimacac séc qahac.

Inéŋ hawana méŋac méŋ héla ménda haianʒac imi mocʒoŋ qericanʒac, waŋu hawana méŋnéŋ méŋ héla haianʒac imi séc méŋ sasala haimacac niŋ taŋhéréréŋ memianʒac.

Nuac héna ac imi yomi mia; Neŋ onac goigina héiénécmianʒua imuhucyanec ini eŋaocnec goigina héiamumu.

Ini héla sasala haimu iminéŋ nuac Maŋgocna edamuya mihicŋi mimac. Waŋu ini nuac tohotoho ichécna wammu.

Ni waiŋ ic héla, waŋu nuac Maŋgocna imi ai ic wanʒac.

Méŋnéŋ méŋ nuac qerinaiguc ménda kecʒaciguc ic hawa éséc metecgéma giliyu dokuya ʒicgémac. Waŋu ic hawa imuhucya imi tocgéma gericiguc giliyu ʒemac.

Nuac ségiségi imi qeriginaiguc heyu onac ségiségi imi kuaya qesalecgémac niŋac ac imi énézézua.

Neŋ Maŋgocnawac héna ac méndacma iwac goi héihéiya qeriaiguc kecanʒua imuhucyanec ini nuac héna ac méndacmuiguc nuac goi héihéina qeriaiguc kecmu.

Héna ac youmi énécmizua; Eŋaocnec goigina héiamumu.

Ini baecac buŋa wambunec imi baec icnéŋ ionac buŋa waŋgic goigina héi énécmiwunec, waŋu ini ionac buŋa qahac. Waŋu ini baecarunec gési énécmiyi imuac niŋac baec icnéŋ haʒéc waŋ énécmianʒu.