Popular Bible Verses from 2 Bida 3

Share

Kalu nolba꞉ sa꞉lakiyo꞉, “Godeya꞉ enedo꞉ dinali sio꞉ a꞉no꞉ fa꞉la꞉doma꞉kiyo꞉, e mo꞉beaki, ha꞉sa dimida꞉sen.” Iliyo꞉ a꞉la꞉asulo꞉ ko꞉sega, hendele Gode e ha꞉sa iliki, gio꞉ ko꞉lo꞉ yasisab. Eyo꞉ kaluka꞉isale imilig nowo꞉ de hena hamana꞉kiyo꞉ mo꞉asulaki, iyo꞉ tambo mogago꞉ dimida꞉len a꞉no꞉ kata꞉ta꞉sa꞉ga꞉, asugo꞉ nodoma꞉ki asula꞉lab.

Ko꞉sega ni milile, to imilig we mada ga꞉lila꞉so꞉bo. Godeya꞉ asulo꞉ amio꞉, ho꞉len imilig a꞉no꞉ 1,000 dona o꞉leo꞉ngo꞉ ko꞉lo꞉lab. A꞉la꞉ta꞉ga꞉ 1,000 dona a꞉no꞉ ho꞉len imilise o꞉leo꞉ngo꞉ ko꞉lo꞉lab.

Nilo꞉ gasili Alan Ya꞉su Kelisowa꞉ ene ha꞉fo꞉ disa꞉lan man o꞉lia꞉, ene asulo꞉ nafale o꞉lia꞉yo꞉ gili mela꞉no꞉ usamio꞉ alan dowa꞉i hamana꞉ki ta꞉ta꞉bi. O꞉g wena a꞉la꞉ta꞉ga꞉ dowa꞉i ha꞉na꞉mela꞉no꞉ a꞉namio꞉lo꞉, Ya꞉su Kelisowo꞉ wabudaki, ene wiyo꞉ dulugu sa꞉la꞉li ha꞉na꞉lubi. Hendele.

Ko꞉sega Alana꞉ ho꞉len a꞉no꞉ afalo꞉ dian kalu yan o꞉leau mia꞉ib. Ho꞉len a꞉namio꞉ fowo꞉ alan dowakiyo꞉, akin a꞉no꞉ kelege dowaki, kelego꞉ akin a꞉namilo꞉ da꞉lab a꞉no꞉ tambo deya꞉ naki, ma꞉ga꞉le ha꞉na꞉ib. A꞉la꞉ta꞉ga꞉ henfelo꞉ we o꞉lia꞉, kelego꞉ a꞉namilo꞉ elen a꞉no꞉ tambo kelege doma꞉ib.

A꞉la꞉fo꞉ko꞉lo꞉ gio꞉ dinafa bo꞉ba. Kelego꞉ we tambo a꞉la꞉ kelege doma꞉ib ko꞉lo꞉, kaluka꞉isale gio꞉ Godeya꞉ eno꞉le doma꞉ki, go꞉no꞉no꞉ Godemo꞉ dimiaki, man enedo꞉wo꞉ kudu ha꞉na꞉bi. A꞉la꞉dimidalikiyo꞉, ge Godeya꞉ ho꞉len a꞉no꞉ yasilakiyo꞉, ho꞉len a꞉no꞉ bo꞉bo꞉ge fa꞉la꞉domabesa꞉ a꞉la꞉li yasila꞉i ha꞉na꞉bi. Ho꞉len a꞉namio꞉ Alan eyo꞉ akin a꞉namilo꞉ a꞉lab a꞉no꞉ tambo deya꞉ nalikiyo꞉, de ofo꞉ halaido꞉ a꞉ma꞉yo꞉ kelego꞉wo꞉ tambo ma꞉ga꞉lema꞉ib.